بۇگىن ەلوردادا كاسىپقوي بوكس كەشى وتەدى: رينگكە 14 قازاقستاندىق شىعادى

نۇر-سۇلتان. قازاقپارات - بۇگىن ەلوردادا جاقسىلىق ۇشكەمپىروۆ اتىنداعى Jekpe Jek سارايىندا تاۋەلسىزدىكتىڭ 30 جىلدىق مەرەيتويىنا ارنالعان كاسىپقوي بوكس كەشى وتەدى، دەپ حابارلايدى قازاقپارات ءتىلشىسى.

كەشتىڭ باستى ايقاسىندا وليمپيادا چەمپيونى دانيار ەلەۋسىنوۆ پەن ارگەنتينالىق حۋان ەرنان لەال جارتىلاي ورتا سالماقتاعى IBO چەمپيوندىق بەلبەۋىنە تالاسقا تۇسەدى.

جالپى، كەش اياسىندا قازاقستاننىڭ 14 (13 جۇپ) بوكسشىسىنىڭ ونەرىن تاماشالاۋعا بولادى.

اتاپ ايتقاندا، ەل كاسىپقوي بوكسىنىڭ تاريحىندا اراعا 20 جىل سالىپ العاش رەت 55,3 كەلى سالماق دارەجەسى بويىنشا، ەرجان زاليلوۆ پەن ەسكەندىر حارسان قازاقستان چەمپيونى اتاعىنا KFPB تيتۋلى ءۇشىن تالاسقا تۇسەدى.

سونىمەن، بوكس كەشىندە قازاقستان سپورتشىلارىنىڭ قارسىلاستارى مىنالار:

1. يۆان دىچكو (قازاقستان) - الەكساندر ۋستينوۆ (رەسەي)

2. ەلحان تابىنبايەۆ (قازاقستان) - ەلمار ابدۋللايەۆ (ازەربايجان)

3. اقنيەت ءالىمباي (قازاقستان) - زاينوبيددين سوبيروۆ (وزبەكستان)

4. ايدار ءامىرزاقوۆ (قازاقستان) - ديلشودبەك يسرويلوۆ (وزبەكستان)

5. اسقات جانتۇرسىنوۆ (قازاقستان) - سۋرات گارايەۆ (ازەربايجان)

6. ساپارباي ايداروۆ (قازاقستان) - اندرەي شەمەتوۆ (ۋكراينا)

7. ايدار شارىبايەۆ (قازاقستان) - شوحرۋح ابدييەۆ (رەسەي)

8. داۋلەت داۋكەنوۆ (قازاقستان) - ەلدوربەك سايدوۆ (وزبەكستان)

9. انگەلينا لۋكاس (قازاقستان) - سۆەتلانا ۆاسيليەۆسكايا (ۋكراينا)

10. داۋرەن ەلەۋسىنوۆ (قازاقستان) - الي ماممادوۆ (ازەربايجان)

11. جانقوش تۇراروۆ (قازاقستان) - ابدۋمونەم سايد (مىسىر)

12. دانيار ەلەۋسىنوۆ (قازاقستان) - حۋان ەرنان لەال (ارگەنتينا) بۇدان بۇرىن حابارلانعانداي، بۇگىنگى بوكس كەشى «حابار» تەلەارناسىنىڭ تىكەلەي ەفيرىنەن كورسەتىلەدى.