قازاقستان شەتەلدەن قىلمىسكەرلەردى قايتارۋ تۋرالى 14 ەكىجاقتى شارتقا قول قويۋعا ازىرلەنۋ ۇستىندە
«بۇگىندە قازاقستان ون ەلدەن (قىتاي، كورەيا، موڭعوليا، ليتۆا، تۇركيا، بىرىككەن اراب امىرلىگى، قىرعىزستان، ءۇندىستان، يران، يسپانيا) قىلمىسكەرلەردى قايتارۋ تۋرالى ەكى جاقتى حالىقارالىق شارت جاساسىپ، ارەكەت ەتۋدە»، - دەپ حابارلادى قر باس پروكۋراتۋراسىنىڭ رەسمي پورتالى.
بۇدان باسقا، قازىرگى ۋاقىتتا باس پروكۋراتۋرا پاكىستان، ساۋد ارابياسى، برازيليا، يندونەزيا، ۆەتنام، مالايزيا، سلوۆەنيا، سينگاپۋر، سيريا جانە باسقا دا ەلدەرمەن ەكستراديتسيالاۋ تۋرالى 14 ەكىجاقتى شارتقا قول قويۋعا دايىندىق جۇمىستارىن جۇرگىزۋدە.
وسى جۇمىس اياسىندا ت م د- عا مۇشە مەملەكەتتەر اراسىندا تۇلعالاردى ەكستراديتسيالاۋ تەتىكتەرى مەن ءتارتىبىن، قايتارۋدان باس تارتۋ نەگىزىن ايقىندايتىن ەكىجاقتى جانە كوپجاقتى كەلىسىمدەر ارەكەت ەتۋدە. ەكستراديتسيالاۋ تۋرالى شارتتارى جوق باسقا ەلدەرمەن قىلمىسكەرلەردى قايتارۋ ماسەلەسى قولدانىستاعى حالىقارالىق قۇقىق جانە پراكتيكادا كەڭىنەن قولدانىلاتىن ءوزارا تۇسىنىستىك قاعيداتى نەگىزىندە قارالۋدا.
ەكستراديتسيالاۋ ماسەلەسى بارىنشا ەگجەي- تەگجەيلى رەگلامەنتتەلىپ، جاڭا قىلمىستىق- پروتسەسسۋالدىق كودەكس ءبىرقاتار ماڭىزدى ەرەجەلەرمەن تولىقتىرىلدى. زاڭمەن ادام قۇقىقتارى جونىندەگى حالىقارالىق كونۆەنتسيا ەرەجەلەرى ىسكە اسىرىلدى، وسى سالاداعى ەۋروپالىق ستاندارتتار جۇزەگە اسىرىلدى.
سونىمەن، ەلەۋلى وزگەرىستەر قايتارۋ ءۇشىن تۇلعانى ۋاقىتشا قاماقتا ۇستاۋدى، ەكستراداتسيالىق تۇتقىنداۋدى شەكتەۋگە، سونداي- اق باس پروكۋراتۋرانىڭ تىكەلەي جوعارعى سوتقا بەرۋ تۋرالى شەشىمىنە شاعىمدانۋ مۇمكىندىگىنە بايلانىستى.
ەۋروپالىق قايتارۋ تۋرالى كونۆەنسيادا سايكەس شەت مەملەكەتتىڭ قۇقىق قورعاۋ ورگاندارى ىزدەستىرىپ جاتقان تۇلعانى «ۋاقىتشا قاماقتا ۇستاۋ» تۇسىنىگى بار. پروكۋروردىڭ قولداۋحاتى بويىنشا سوت ىزدەستىرىلىپ جاتقان تۇلعانى قاماقتا 40 تاۋلىك مەرزىمگە دەيىن ۋاقىتشا ۇستاي الادى.
كورسەتىلگەن تۇسىنىكتەردى شەكتەۋ قۇقىق قورعاۋ ورگاندارىنا ەكستراديتسيالىق تۇتقىنداۋدى قولدانعانعا دەيىن ىزدەستىرۋ بويىنشا ۇستالعان تۇلعاعا قاتىستى تولىققاندى تەكسەرۋ جۇرگىزۋگە مۇمكىندىك بەرەدى.
