11:11, 17 - قىركۇيەك 2019 | GMT +6
قازاقستاندىق كاسىپقوي بوكسشى سالماعى 146 كەلى قارسىلاسىن ءبىرىنشى راۋندتا نوكاۋتقا جىبەردى
ماسكەۋ. قازاقپارات - ماسكەۋدە وتكەن كاسىپقوي بوكس كەشىندە سۋپەراۋىر سالماقتاعى قازاقستاندىق جان كوسوبۋتسكي (10-0، 9 ك و) كەزەكتى جەكپە-جەگىن وتكىزدى.
بۇل تۋرالى قازاقپارات الەۋمەتتىك جەلىدەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ حابارلايدى.
كوسوبۋتسكي 40 جاستاعى تاجىريبەلى سپورتشى، بۇرىنعى الەم چەمپيونى، وڭتۇستىك افريكالىق وسبورن ماچيمانمەن (23-12-2، 17 ك و) ايقاستى.
كەزدەسۋ الدىندا سالماق ولشەۋ راسىمىندە كوسوبۋتسكي - 104 كەلى، ماچيمان 146 كەلى ەكەنى انىقتالدى. التى راۋندقا شاقتالعان جەكپە-جەكتە كوسوبۋتسكي قارسىلاسىن ءبىرىنشى راۋندتا-اق نوكاۋتقا جىبەردى.
وسىلايشا، جان كوسوبۋتسكي كاسىپقوي بوكستا ون ءبىرىنشى مارتە جەڭىسكە جەتتى، سونىڭ ونىن نوكاۋتپەن اياقتادى. وسبورن ماچيمان ون ءۇشىنشى رەت جەڭىلىسكە ۇشىرادى.
ايتا كەتەيىك، ماچيمان 2008-جىلى جەرلەسى كورري ساندەرستى نوكاۋتپەن جەڭىپ، الەم چەمپيونى اتانعان.
