جانىبەك حان ەكىنشى مارتە قىتايعا ەلشى رەتىندە 1453-جىلى حات اپارعان
بۇل كونفەرەنتسيانىڭ اتاۋى - «قازاق حاندىعى - ماڭگىلىك ەل يدەياسى: تاريحي تاعدىر جانە ساباقتار». وڭتۇستىك قازاقستان مەملەكەتتىك پەداگوگيكالىق ينستيتۋتىندا قازاقستان، تۇركيا، قىتاي، گەرمانيا ەلدەرىنەن كەلگەن عالىمدار باس قوستى. ولاردىڭ بارلىعى كوپتەگەن جىلدار بويى قازاق تاريحىن زەرتتەگەن. ولاردىڭ ايتۋىنشا، قازاق حاندىعى جايلى قىتاي جانە پارسى ەلدەرىنىڭ قولجازبالارىندا ايتىلادى.
نەمىس ۋنيۆەرسيتەتىنىڭ پروفەسسورى نۇرلان كەنجەاحمەت ۇلى قىتايدىڭ مين اۋلەتى بيلىگى تۇسىنداعى دەرەكتەردەن كەرەي مەن جانىبەك حانداردىڭ ەسىمىن كەزدەستىرگەن. «بۇل ەسىمدەر دەرەكتەردە 1447-جىلدان باستاپ كەزدەسەدى. ولار مين اۋلەتى بيلىگى تۇسىندا ەلشى بولعان. ال جانىبەك ەكىنشى مارتە قىتايعا ەلشى رەتىندە 1453-جىلى حات اپارعان»، - دەيدى نۇرلان كەنجەاحمەت ۇلى.
پروفەسسوردىڭ ويىنشا، قازاق حاندىعى جايلى ناقتى دەرەكتەردى تابۋ، سونىڭ ىشىندە العاشقى دەرەك كوزدەرىن ىزدەۋ وتە ماڭىزدى. ولار بۇل جۇمىستى اتقارىپ تا ءجۇر.
عىلىمي-تاجىريبەلىك كونفەرەنتسيا بارىسىندا قوناقتار ارنايى كورمەمەن تانىستى. ول «قازاق حاندىعى تۇسىنداعى وتىرار» دەپ اتالعان.
