جەكسەنبىدە استانا كوشەلەرىندە 144 جول-كولىك وقيعاسى تىركەلگەن
بۇل جايىندا استانا قالاسى پوليتسيا دەپارتامەنتىنىڭ باسپا ءسوز قىزمەتى ءمالىم ەتتى.
«وتكەن تاۋلىكتە استانا جولدارىندا 144 جول-كولىك وقيعاسى تىركەلدى. سالدارىنان ەكى ادام زارداپ شەكتى. جول-كولىك وقيعالارى جۇرگىزۋشىلەردىڭ كوكتايعاق جاعدايىن ەسكەرمەي، قوزعالىس جىلدامدىعىن، ارالىق ينتەرۆال مەن قاشىقتىقتى ساقتاماۋدان تۋىنداپ جاتىر. ونىڭ ۇستىنە جول-كولىك وقيعاسىنا تۇسكەن كولىكتەردىڭ بارىندە جازعى دوڭگەلەك بولعان»، - دەلىنگەن دەپارتامەنت دەرەگىندە.
وسىعان بايلانىستى پوليتسيا وكىلدەرى استانالىق جۇرگىزۋشىلەرگە ۇندەۋ تاستاپ وتىر.
«كۇن رايىنىڭ ناشارلاۋىنا بايلانىستى كوممۋنالدىق قىزمەتتەر قار تازالايتىن تەحنيكالاردى جۇمىلدىرىلدى. جۇرگىزۋشىلەردى ساق ءجۇرىپ، قوعامدىق كولىك پەن قار تازالايتىن تەحنيكانىڭ قوزعالىسىنا كەدەرگى كەلتىرمەۋ ءۇشىن جول جيەگىنە كولىك قاڭتارماۋدى سۇرايمىز. قالا تۇرعىندار مەن قوناقتارىن قابىلدانىپ جاتقان شارالارعا تۇسىنىستىكپەن قاراۋدى سۇرايمىز»، - دەپ جازىلعان رەسمي مالىمەتتە.
سونداي-اق، دەپارتامەنت وكىلدەرى قار باسىپ قالعان جولداعى سىزىقتاردى كورمەي ەرەجە بۇزعان جاعدايدا جۇرگىزۋشىلەرگە ايىپپۇل سالىنبايتىنىن ايتىپ وتىر.
