بيىل تاعى 140 اۋىلدا ينتەرنەت ساپاسى جاقسارادى - مۋسين
قاسىم-جومارت توقايەۆقا مينيسترلىكتىڭ بىلتىرعى اتقارعان جۇمىستارىنىڭ قورىتىندىلارى، سيفرلاندىرۋ جانە IT سالاسىنىڭ دامۋ پەرسپەكتيۆالارى جونىندە، سونداي-اق تەلەكوممۋنيكاتسيا باعىتىنداعى جۇمىستىڭ ساپاسىن ارتتىرۋعا قاتىستى پرەزيدەنت تاپسىرمالارىنىڭ جۇزەگە اسىرىلۋى تۋرالى ەسەپ بەرىلدى.
ءمينيستردىڭ ايتۋىنشا، ادام مۇددەسىنە قىزمەت ەتەتىن سەرۆيستەردى ەنگىزۋ اياسىندا ەڭ قاجەتتى دەگەن 18 قۇجات جەكە دەرەكتەردى قورعاۋ شارالارىن مىندەتتى تۇردە ساقتاي وتىرىپ، پلاتفورمانى تانىمال ەتۋ ارقىلى سيفرلىق فورماتقا اۋىستىرىلعان. بۇدان بولەك باعدات مۋسين قاسىم-جومارت توقايەۆقا «سيفرلىق تەڭسىزدىكتى» جويۋ، ينتەرنەتپەن قامتاماسىز ەتۋگە جانە ونىڭ ساپاسىنا قاتىستى باقىلاۋ شارالارىن كۇشەيتۋ جونىندەگى تاپسىرمالارىنىڭ ورىندالۋى تۋرالى دا ەسەپ بەردى.
بىلتىر 628 ەلدى مەكەندە ينتەرنەت ساپاسى جاقسارتىلسا، بيىل تاعى دا 140 اۋىلدا وسىنداي جۇمىستار جۇرگىزىلمەك.
پرەزيدەنتكە ءموبيلدى وپەراتورلاردىڭ نۇر- سۇلتان، الماتى، شىمكەنت قالالارىندا 5G تەحنولوگياسىنىڭ سىناقتان ءساتتى وتكىزىلگەنى تۋرالى باياندالدى.
2022-جىلى رەسپۋبليكالىق ماڭىزى بار قالالاردا كوممەرتسيالىق ماقساتتا ىسكە قوسۋ جوسپارلانىپ وتىر.
سونىمەن قاتار مينيستر تەلەكوممۋنيكاتسيا نارىعىن ودان ءارى دامىتۋ جوسپارىن ۇسىندى.
اتاپ ايتقاندا، «قازاق تەلەكوم» اكتسيونەرلىك قوعامىنىڭ كومپانيالار توبىن مونوپوليادان ارىلتۋ جۇمىستارى جۇرگىزىلەدى، باسەكەلەستىك ورتانى جاقسارتۋعا باعىتتالعان ءبىرقاتار زاڭنامالىق باستاما قابىلدانباق. باعدات مۋسين پرەزيدەنتكە قازاقستاندى تسيفرلاندىرۋ اياسىندا ەنەرگەتيكا، جەر قويناۋىن پايدالانۋ، دەنساۋلىق ساقتاۋ، الەۋمەتتىك قورعاۋ، جەردى قاشىقتان زونتتاۋ سپۋتنيكتەرىن پايدالانا وتىرىپ، سۋ جانە جەر رەسۋرستارىن مونيتورينگتەۋ سالاسىنداعى ءبىرقاتار ستراتەگيالىق جوبا تۋرالى باياندادى. IT سالاسىن دامىتۋعا باسا ءمان بەرىلدى.
Astana Hub تەحنوپاركىنىڭ جۇمىسى، سونىڭ ىشىندە شەتەلدىك IT كومپانيالاردى قازاقستانعا اكەلۋ تۋرالى ايتىلدى.
پرەزيدەنت وتاندىق IT سەكتوردى قولداۋعا باعىتتالعان ناقتى شارالار ازىرلەۋگە جانە حالىقارالىق نارىقتا جەتىستىككە جەتكەن شەتەلدىك IT كومپانيالارعا كومەك كورسەتۋدى تاپسىردى.
كەزدەسۋ بارىسىندا مينيستر «ۇ ا ت» اكسيونەرلىك قوعامىنىڭ رەسۋرستارى نەگىزىندە وسىنداي جوبالاردى جۇزەگە اسىرۋدا تاجىريبەسى بار وتاندىق IT كومپانيالاردىڭ ساراپشىلارىن تارتا وتىرىپ، سيفرلاندىرۋ پلاتفورماسىن قۇرۋدى ۇسىندى.
