ءۇندىستاندا 1400 مەتر بيىكتىكتە اۋەجاي اشىلدى

None
None
 استانا. قازاقپارات - ءۇندىستانداعى Pakyong جاڭا اۋەجايى 1400 مەتر بيىكتىكتە، گيمالاي تاۋلارىندا ورنالاسقان. اۋە ايلاعى سيككيم شالعاي شتاتىنا قىزمەت كورسەتەدى، دەپ حابارلايدى قازاقپارات CNN گە سىلتەمە جاساپ.

ونىڭ اشىلۋى ءۇندىستان اۆياتسياسى مەن ساياحاتىنداعى ماڭىزدى وقيعا بولدى.

اشىلۋ سالتاناتىندا ءۇندىستاننىڭ پرەمەر- ءمينيسترى نارەندرا مودي اتاپ وتكەندەي، جوباعا 68,7 ميلليون دوللار جۇمسالعان. بۇل ءۇندىستاندىق ينجەنەرلەردىڭ ۇلكەن جەتىستىگى جانە تەحنيكاداعى ەرەكشە ەرلىك.

2380 شارشى مەترلىك اۋەجاي تەرمينالى 100 جولاۋشىنى قابىلداۋعا قاۋقارلى. ونىڭ ەڭ باستى ەرەكشەلىگى - كوز تارتارلىق گيمالاي تابيعاتى.

بيلىك جاڭا اۋەجاي ايماقتا ءتۋريزمدى دامىتادى دەپ ۇمىتتەنىپ وتىر، ويتكەنى سيككيم - ەڭ تانىمال تۋريستىك باعىتتاردىڭ ءبىرى. اتالمىش شتات بۋتان جانە نەپالمەن شەكتەسەدى، سونداي- اق 28 تاۋلى شىڭى، 21 مۇزدىعى جانە 200 دەن استام كولى بار گيمالاي تابيعاتىمەن تانىمال.

سوڭعى جاڭالىقتار