سۋ تاسقىنىنان قازا تاپقاندار سانى 1400 ادامنان استى
تابيعي اپاتتان اناعۇرلىم زارداپ شەككەن كەرالا شتاتىندا 488 ادام مەرت بولعان. بۇل تۋرالى ەلدىڭ ىشكى ىستەر مينيسترلىگىنە سىلتەمە جاساپ شينحۋا اگەنتتىگى حابارلادى.
ءۇندىستان ءى ءى م دەرەگىنە سايكەس، ەلدىڭ وڭتۇستىگىندەگى كەرالا شتاتىندا مۇنداي سۋ تاسقىندارى سوڭعى ءجۇز جىلدا بولماعان. تاسقىندار سالدارىنان 14 ۋەزدە 5 ميلليون 411 مىڭ ادام زارداپ شەكتى. تابيعي اپات زاردابىن جويۋعا كومەكتەسەتىن لاگەرلەردىڭ ورتالىقتارى لىق تولعان. 57 مىڭ گەكتار اۋىل شارۋاشىلىق داقىلدارى جويىلدى.
سۋ تاسقىنىنان ۋتتار-پرادەش جانە باتىس بەنگاليا شتاتتارىنا دا ايتارلىقتاي زاقىم كەلدى. 200 دەن استام ادام قازا تاۋىپ، 100 مىڭ گەكتار ەگىستىك جارامسىز بولىپ قالدى.
ءۇندىستاندا ماۋسىم ايىنان قىركۇيەككە دەيىن جاۋىن-شاشىن ماۋسىمى بولادى. بۇل ۋاقىتتا سۋ تاسقىندارى، لاي كوشكىندەرى جانە باسقا دا تابيعي اپاتتار ءجيى ورىن الادى.
