شىمكەنتتە 14 جاستاعى قىزدىڭ باۋىرىنان 9 سانتيمەتر ەحينوكوك قۇرتى شىقتى
جاس ءوسپىرىم 21-تامىز كۇنى اۋىر حالدە بالالار اۋرۋحاناسىنىڭ قابىلداۋ بولىمىنە تۇسكەن. ءىش اۋرۋى سيمپتومى مازالاعان قىزدۆ اتا - اناسى اۋرۋحاناعا الىپ كەلگەن.
دارىگەرلەر پاتسيەنتتى رەنتگەن، كومپيۋتەرلىك توموگرافيا تەكسەرۋىنەن وتكىزىپ، باۋىر تۇسىنان ەحينوكوك كيستاسىن انىقتاعان. سودان جەدەل تۇردە ناۋقاسقا وتا جاسالدى.
«بالانىڭ باۋىرىنا لاپاروسكوپيا اپپاراتىمەن تىلىكسىز وتا جاسالدى. ىشىنەن 9,4 س م جانە 8,1 س م كولەمدى ەحيناكوك قۇرتى شىقتى. پاتسيەنت وتادان كەيىن رەانيماتسيادا باقىلاۋدا بولىپ، كەلەسى كۇنى پالاتاعا اۋىستىرىلدى. وتاعا اۋرۋحانانىڭ بىلىكتى بالالار حيرۋرگ دارىگەرلەرى ەرجان بايدۋللايەۆ پەن قايرات ءىزباسوۆ جانە اسانباي قۇرماناليەۆ پەن گۇلجان ايدينوۆا قاتىستى. ناۋقاستىڭ قازىرگى جاعدايى جاقسى. دارىگەرلەر پاتسيەنتتى ۇيىنە شىعارۋعا دايىنداۋدا» - دەلىنگەن شىمكەنت قالاسى دەنساۋلىق ساقتاۋ باسقارماسى ۇسىنعان اقپاراتتا.
