ستامبۋل تۇرعىندارىنىڭ سانى 14,8 ميلليون ادامنان استى

استانا. قازاقپارات - ستامبۋل تۇرعىندارىنىڭ سانى 1927 -جىلى 806 مىڭ 863 ادام بولعان، 2016 -جىلى بۇل كورسەتكىش 14 ميلليون 804 مىڭ 116-عا جەتتى، دەپ حابارلايدى «انادولۋ».

اگەنتتىكتىڭ تۇركيانىڭ ستاتيستيكا ينستيتۋتىنا سىلتەمە جاساي وتىرىپ تاراتقان مالىمەتتەرىنە قاراعاندا، ستامبۋل حالقىنىڭ سانى وتكەن جىلدىڭ سوڭىنا تامان تۇركيانىڭ جالپى حالقىنىڭ 18,5 پروتسەنتىن (79 ميلليون 814 مىڭ 871 ادام) قۇراعان.

 2011 -جىلى ستامبۋل تۇرعىندارىنىڭ سانى 13 ميلليون 624 مىڭ 240، ال 2015 -جىلى 14 ميلليون 657 مىڭ 434 ادامعا جەتكەن.

تۇركيانىڭ 100 جىلدىعى قارساڭىندا ستامبۋل حالقىنىڭ سانى 16,5 ميلليونعا جەتەدى دەگەن بولجام بار.

TÜİK  اگەنتتىگىنىڭ بولجامى بويىنشا ستامبۋل تۇرعىندارىنىڭ سانى 2020 -جىلى 15 ميلليون 850 مىڭ 684 ادامعا، ال 2023 -جىلى 16 ميلليون 568 مىڭ 500 ادامعا جەتەدى.

ايدار وسپاناليەۆ