قازاقپارات كۇنتىزبەسى: 13- مامىر
ەستە قالار وقيعالار
1930-جىلى س س س ر ح ك ك قاۋلىسىمەن قارلاگ قۇرىلدى. ول ءۇشىن قارقارالى وكرۋگىنىڭ اۋماعىندا 110 مىڭ گەكتار جەر بەرىلدى. قاراعاندى لاگەرى باسقارماسى قاراعاندىدان 47 شاقىرىم جەردە دولينكا كەنتىندە ورنالاستى. قارلاگ اشىلعان ساتتە وعان 47 ۇلت وكىلىنەن 2567 جازاسىن وتەۋشى قامالدى.
1937-1938-جىلدارى مۇندا 43 مىڭ جازاسىن وتەۋشى بولدى. قارلاگ جۇيەسى 292 لاگەرلىك وندىرىستىك ورىن، 26 دەربەس بولىمشەنى قامتىدى.
1931-1960-جىلدارى قارلاگتا 1 ميلليونعا جۋىق ادام بولدى. 1992-جىلى قازاقستان رەسپۋبليكاسى مەن فينليانديا رەسپۋبليكاسى اراسىنداعى ديپلوماتيالىق قارىم-قاتىناستى بەكىتۋ تۋرالى كەلىسىم جاسالدى.
2002-جىلى قازاقستان يادرولىق جەتكىزۋشىلەر توبىنىڭ (ي ا ج ت) 40-مۇشەسى بولىپ قابىلداندى. قازاقستاننىڭ ي ا ج ت- عا قاتىسۋىنىڭ ماقساتى - لاڭكەستىككە قارسى شارالاردى كۇشەيتۋ، جاپپاي قىرىپ-جويۋ قارۋلارىنىڭ تاراتىلۋىنا قارسى ارەكەت ەتۋ، يادرولىق ماتەريالداردى جانە قوس ماقساتتاعى ونىمدەردىڭ پايدالانىلۋى مەن تاسىمالدانۋىنا باقىلاۋدى كۇشەيتۋ.
2010-جىلى قازاقستاندا ەكسپورت جانە ينۆەستيتسيالار بويىنشا «KAZNEX INVEST» ۇلتتىق اگەنتتىگى قۇرىلدى. جاڭا قۇرىلعان ورگاننىڭ نەگىزگى ماقساتى - ەكسپورتتى دامىتۋ جانە جىلجىتۋمەن قاتار، قازاقستان ەكونوميكاسىنا تىكەلەي ينۆەستيتسيا تارتۋ.
ۇلتتىق اگەنتتىكتىڭ قىزمەتىنە قازاقستان اۋماعىندا ەكونوميكانىڭ وڭدەۋ سەكتورىندا بىرلەسكەن وندىرىستەر قۇرۋ ماقساتىمەن جەتەكشى ترانسۇلتتىق كومپانيالارمەن ءوزارا ءىس-قيمىل جاساسۋ كىرەدى. ەل ەكونوميكاسىنىڭ شيكىزاتتىق ەمەس سەكتورلارىنا سالىم سالۋعا دايىن شەتەلدىك ينۆەستورلار ءۇشىن «KAZNEX INVEST» ا ق ءبىر تەرەزە قاعيداتىمەن قىزمەتتەر ۇسىناتىن بولادى.
2011-جىلى قازاقستاندا العاش رەت «ۇلتتىق عىلىمي مەديتسينالىق ورتالىق» ا ق- دا ناۋقاسقا جۇرەكتىڭ جاساندى قارىنشاسىن يمپلانتاتسيالاۋ جۇرگىزىلدى.
2011-جىلى ۇلى قازاق باتىرى جيەمبەت جىراۋدىڭ قۇرمەتىنە استانادا مەموريالدىق تاقتا اشىلدى.
2013-جىلى قازاقستاننىڭ 5 مىڭ تەڭگەلىك جاڭا بانكنوتىن حالىقارالىق بانكنوت قاۋىمداستىعى (IBNS) «2012-جىلعى ۇزدىك بانكنوت» دەپ تانىدى.
2014-جىلى دجاكارتاداعى «تامان يسمايل مارزۋكي» كونسەرت زالىندا يندونەزيا رەسپۋبليكاسىنداعى قازاقستان رەسپۋبليكاسىنىڭ مادەني كۇندەرى سالتاناتتى تۇردە اشىلدى.
شارا اياسىندا قازاقستاننىڭ جەتەكشى ونەر شەبەرلەرىنىڭ قاتىسۋىمەن گالا-كونسەرت، «قازاقستان بۇگىندە» فوتوكورمەسى ءوتتى، سونداي-اق «كوشباسشى جولى»، «جاۋجۇرەك مىڭ بالا» فيلمدەرى كورسەتىلدى.
2014-جىلى استانالىق نۇرماعامبەت نۇرپەيىسوۆ ىشىندە مۇزى بار بەتوننىڭ جاڭا ءتۇرىن ويلاپ تاپتى.
جاڭا بەتون ءتۇرى ءبىر كيلومەتردەن استام بيىك عيماراتتاردى تۇرعىزۋعا مۇمكىندىك بەرەدى. استانالىق ينجەنەر ويلاپ تاپقان بەتون «نۇرايس» دەگەن اتقا يە بولدى.
2016-جىلى الماتىدا ەلدەگى العاشقى قازاقستان دزيۋدو فەدەراتسياسىنىڭ پرەزيدەنتى كەڭەس راقىشەۆتىڭ قارجىلاي قولداۋىمەن سالىنعان دزيۋدو اكادەمياسى اشىلدى.
2017-جىلى قىتايدىڭ مەملەكەتتىك «شينحۋا» اگەنتتىگىنىڭ اقپاراتتىق ورتالىعى بەيجىڭدەگى مەترودا جولاۋشىلاردى «ءبىر بەلدەۋ، ءبىر جول» ەلدەرىنىڭ مادەنيەتىمەن جانە تابيعاتىمەن تانىستىرۋ اكسياسىن ۇيىمداستىردى. مەتروداعى «قازاقستاندىق» ۆاگونداردا قازاقتىڭ ءداستۇرلى ويۋ-ورنەگى جانە كيىز ۇيىمەن قوسا، بۇركىتشىنىڭ اڭ اۋلاپ جاتقان ساتتەگى سۋرەتتەرى، قوجا احمەت ياساۋي كەسەنەسى، «نۇر-استانا» مەشىتى، بايتەرەك مونۋمەنتى جانە قازاقستاننىڭ باسقا دا كورىكتى جەرلەرى بەينەلەنگەن.
