قازگيدرومەت: 13-مامىر كۇنگى اۋا رايى بولجامى

نۇر-سۇلتان. قازاقپارات - 13- مامىر كۇنى قازاقستاننىڭ باسىم بولىگىندە قۇبىلمالى كۇن رايى ساقتالادى.

جەكەلەگەن وڭىرلەردە جاڭبىر جاۋادى، وڭتۇستىكتە قاتتى جاڭبىر بولجانادى. كەي جەرلەردە ەكپىندى جەل، تۇمان، بۇرشاق، وڭتۇستىكتە جانە وڭتۇستىك-باتىستا داۋىل كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، كۇندىز جامبىل، باتىس قازاقستان، شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى.

باتىس قازاقستان وبلىسىنىڭ كەي جەرلەرىندە بۇرشاق جاۋۋى ىقتيمال.

تۇركىستان، قوستاناي، سولتۇستىك قازاقستان، كۇندىز قىزىلوردا وبلىستارىنىڭ كەي جەرلەرىندە بۇرشاق جاۋۋى مۇمكىن، جەل 15-20 م/س كۇشەيەدى.

تۇركىستان، كۇندىز قىزىلوردا وبلىسىندا داۋىل تۇرادى.

تۇندە جانە تاڭەرتەڭ سولتۇستىك قازاقستان وبلىسىندا تۇمان كۇتىلەدى.

ماڭعىستاۋ وبلىسىنىڭ كەي جەرلەرىندە تۇمان بولجانادى. كۇندىز جەل 15-20 م/س ارتادى.