تۇركيادا «ەۋرازيا ارۋى» 13 جىلعا باس بوستاندىعىنان ايىرىلدى

استانا. قازاقپارات - تۇركيادا 2016 -جىلى «ەۋرازيا ارۋى» اتانعان العاشقى تۇرىك قىزى 25 جاستاعى سيبەل دەميرالپ 13 جىل مەرزىمگە باس بوستاندىعىنان ايىرىلدى، دەپ حابارلايدى قازاقپارات جەرگىلىكتى باسىلىمدارعا سىلتەمە جاساپ.

تۋىستارى ونى قايىرىمدى، يبالى قىز دەپ جۇرگەن، الايدا ارۋ قىزدىڭ باندامەن بايلانىسى بار بولىپ شىقتى.

سيبەل ينتەرنەتتە داۋلەتتى زەرگەرمەن تانىسادى. عاشىق بولعان ەر ادام قىزبەن وڭاشادا كەزدەسۋدى ۇسىنادى. بويجەتكەننىڭ ۇيىنە قوناققا كەلگەن كەزدە زەرگەردى ءبىر توپ بانديتتەر كۇتىپ وتىرعان.

قاراقشىلار زەرگەردى ۇرىپ-سوعىپ، شەشىندىرىپ، ابىرويىن توگەتىندەي سۋرەتكە ءتۇسىرىپ، ول ءۇشىن 240 مىڭ ليرا (شامامەن 45 مىڭ دوللار) تالاپ ەتكەن.

قاسكويلەر زەرگەردىڭ اقشاسىن الۋىن العان، ءبىراق ارتىنشا بۇل ىسكە پوليتسيا ارالاستى. كوپ ۇزاماي باندا قولعا ءتۇسىپ، سيبەلمەن قوسا سوتتىڭ شەشىمىمەن ۇزاق مەرزىمگە باس بوستاندىقتارىنان ايىرىلدى.