شىمكەنتتەگى حالىقارالىق پالاۋ فەستيۆالىندە 13 جاستاعى بالا ەڭ ۇزدىك پالاۋشى اتاندى
قالالىق قازاقستان حالقى اسسامبلەياسى جانە «دۋستليك» وزبەك ەتنومادەني ورتالىعى بىرلەسە ۇيىمداستىرعان شاراعا ەلىمىزدىڭ جانە كورشىلەس وزبەكستاننان 30-دان استام اسپاز قاتىستى، دەپ حابارلايدى قازاقپارات ءتىلشىسى.
سەگىزىنشى جىل قاتارىنان ۇيىمداستىرىلىپ وتىرعان شاراعا اۋدان اكىمدەرى مەن قوعام قايراتكەرلەرى جانە قالا تۇرعىندارى شاقىرىلدى. پالاۋ باسۋدان ۇزدىكتەر قاتىسقان بايقاۋدا اسپازداردىڭ شەبەرلىگى سىنعا ءتۇستى. بايقاۋ شارتى بويىنشا تاعامنىڭ ءدامى، اسپازدىڭ استى ەرەكشە دايىنۋ ءتاسىلى سارالاندى.
فەستيۆالدە كورشىلەس وزبەكستان، قىرعىزستان ەلدەرىنەن كەلگەن قوناقتار مەن شىمكەنت قالاسىنىڭ تۇرعىندارى «ماحاببات»، «دوستىق»، «بىرلىك» سەكىلدى پالاۋدىڭ 30-دان استام تۇرىنەن ءدام تاتىپ، ارنايى دايىندالعان كونتسەرتتىك باعدارلامانى تاماشالادى. ءبىر ەمەس، بىردەن 30 اسپازدىڭ قولىنان ءدام تاتقان قازىلار القاسىنا جەڭىمپازدى انىقتاۋ وڭايعا تۇسپەدى.
بايقاۋ قورىتىندىسى بويىنشا ءبىرىنشى ورىندى 13 جاستاعى ەڭ جاس اسپاز بابامۇرات ابدۋراحمانوۆ جەڭىپ الدى. وزگە جەڭىمپازدار ديپلوم جانە باعالى سىيلىقتارمەن ماراپاتتالادى.
