وڭتۇستىك قازاقستان وبلىسىنداعى وتىرار توبەدەن 13 - عاسىر جادىگەرلەرى تابىلدى
وركەنيەتتىڭ ءىزى قالعان قاسيەتتى وتىرار توبەدە جۇمباق سىرلار جەتەرلىك. تاريحي جادىگەرلەرگە تولى مەكەندە تۋريستەر لەگى دە تولاستاعان ەمەس. سەبەبى، تاريحتىڭ تالاي سىرىن ىشىنە بۇگىپ جاتقان بۇل مەكەننىڭ جۇمباعى ءالى دە كوپ. سوعان بايلانىستى مۇندا جوسپارلانعان قازبا جۇمىستارى دا جۇيەلى جۇرگىزىلىپ كەلەدى.
ءدال قازىر كيەلى جۇرتتا الكەي مارعۇلان اتىنداعى ارحەولوگيا ينستيتۋتىنىڭ ماماندارى قازبا جۇمىستارىن جۇرگىزۋدە.
«ءبىز قازىر موڭعول شاپقىنشىلىعى بولعان 13 - عاسىر دەڭگەيىنە جەتتىك. سول كەزەڭدى بەينەلەيتىن بۇيىمدار مەن تيىندار شىعىپ جاتىر. ونىڭ ءارقايسىسى وتكەن ومىردەن سىر شەرتەدى. ول جادىگەرلەر ابدەن زەرتتەلىپ بولعان سوڭ، مۇراجايعا قويىلادى»، - دەيدى ءا. مارعۇلان اتىنداعى ارحەولوگيا ينستيتۋتىنىڭ عىلىمي قىزمەتكەرى يليار اكومولدينوۆ.
قاتپار- قاتپار توپىراقتىڭ ىشىنەن ءار ءداۋىردىڭ ءىزىن تاۋىپ، تانۋ دا ۇلكەن بىلىكتىلىكتى قاجەت ەتەدى. ويتكەنى، وتىرار ءبۇتىن ساقتالعان قالا ەمەس. بىرنەشە مارتە قيراۋعا ۇشىراعان. بۇگىندە ارحەولوگتاردىڭ كوپ شارۋاسى جەرگىلىكتى تۇرعىندار كومەگىمەن دە ىلگەرى باسۋدا. اۋىل ادامدارى 3- جاڭعىرۋ تۇسىندا ەلىن تانۋعا، جەرىن بىلۋگە قۇشتارلىق تانىتىپ وتىر. ارنايى توپقا قول كۇشىمەن جاردەمدەسۋدە.
«ءبىز وسىنداي ولكەدە تۋعانىمىزعا ماقتانامىز. مۇندا كەلۋشىلەر كوپ. سوندىقتان وسى قازبا جۇمىستارىنا ىلعي قاتىسامىز. بۇل - ءبىزدىڭ كومەگىمىز، ءارى ۇلەسىمىز»، - دەيدى جەرگىلىكتى تۇرعىن باۋىرجان يمانبەرديەۆ.
اۆتور: اينۇر اقبايەۆا
