يندۋستريالاندىرۋ باعدارلاماسى بويىنشا 13 ميلليارد تەڭگەدەن استام بيۋدجەت قارجىسى جىمقىرىلعان

استانا. قازاقپارات - قازاقستان رەسپۋبليكاسىنىڭ مەملەكەتتىك حاتشىسى گ. ن. ءابدىقالىقوۆانىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى ءىس- قيمىل ماسەلەلەرى جونىندەگى كوميسسيانىڭ وتىرىسى ءوتتى.

  بۇل تۋرالى اقوردانىڭ باسپا ءسوز قىزمەتى حابارلايدى.

كوميسسيا وتىرىسىن اشقان گۇلشارا ءابدىقالىقوۆا مەملەكەت باسشىسى داعدارىسقا قارسى جوسپاردان ستراتەگيالىق دامۋدىڭ مىندەتتەرىن ورىنداۋعا كوشۋ جونىندەگى قازاقستان رەسپۋبليكاسى ۇكىمەتىنىڭ 2016 -جىلعى 9 - قاڭتاردا وتكەن كەڭەيتىلگەن وتىرىسىندا بەرگەن تاپسىرمالارىن اسكە اسىرۋ اياسىندا سىبايلاس جەمقورلىق كورىنىستەرىنىڭ جۇيەلى الدىن الۋدى كۇشەيتۋ جانە مەملەكەتتىك باعدارلامالاردى ىسكە اسىرۋعا بولىنەتىن بيۋدجەتتىك قاراجاتتاردىڭ قاتاڭ باقىلانۋىن قامتاماسىز ەتۋ قاجەت ەكەنىن اتاپ ءوتتى.

وتىرىس بارىسىندا ءبىرقاتار مەملەكەتتىك ورگان مەن «اتامەكەن» ۇلتتىق كاسىپكەرلەر پالاتاسىنىڭ باياندامالارى تىڭدالدى. ساۋلەت، قالا قۇرىلىسى جانە قۇرىلىس سالالارىنداعى سىبايلاس جەمقورلىققا قارسى كۇرەس، سونداي- اق مەملەكەتتىك يندۋستريالدىق- يننوۆاتسيالىق دامۋ باعدارلامالارىن ىسكە اسىرۋعا بولىنگەن بيۋدجەتتىك قاراجاتتى يگەرۋ جونىندەگى شارالار تالقىلاندى.

گ. ءابدىقالىقوۆا وسى سالاداعى سىبايلاس جەمقورلىق قاتەرلەرىن ازايتاتىن تەتىكتەردى جاساۋعا ەرەكشە نازار اۋدارۋ قاجەت ەكەنىن اتاپ ءوتتى. ولاردىڭ تيىمدىلىك دارەجەسىنە ەكونوميكانىڭ احۋالى عانا ەمەس، مەملەكەتتىڭ ينۆەستيتسيالىق تارتىمدىلىعى دا قاتىستى بولماق.

سونداي- اق، مەملەكەت تاراپىنان يندۋستريالدىق- يننوۆاتسيالىق دامۋدىڭ 2010-2014 جانە 2015-2019 -جىلدارعا ارنالعان باعدارلامالارىن ورىنداۋعا ەلەۋلى بيۋدجەت قاراجاتىنىڭ بولىنەتىنى ايتىلدى. تالداۋ كورسەتكەندەي، ولاردى ىسكە اسىرۋ كەزىندە بيۋدجەت قاراجاتىن پايدالانۋدا كوپتەگەن بۇزۋشىلىقتارمەن قاتار جۇرەتىنىن كورسەتتى. يندۋستريالاندىرۋدىڭ العاشقى باعدارلاماسى ىسكە اسىرىلعالى بەرى اقشالاي قاراجاتتى جىمقىرۋ فاكتىلەرى بويىنشا مەملەكەتكە 13 ميلليارد تەڭگەدەن استام زيان كەلتىرىلگەن.

مەملەكەتتىك حاتشى ەلباسىنىڭ تاپسىرمالارىنا سايكەس، جەرگىلىكتى جەرلەردە باعدارلامالاردىڭ ءتيىمدى ورىندالۋىن، ءاربىر ينۆەستيتسيالىق جوبانىڭ ىسكە اسىرىلۋىن، سونداي- اق حالىققا مەملەكەتتىك قىزمەتتەردى كورسەتۋ كەزىندە ەلەكتروندىق رەسۋرستاردىڭ مۇمكىندىكتەرىن كەڭىنەن پايدالانىلۋىن قامتاماسىز ەتۋدىڭ ماڭىزدىلىعىن اتاپ كورسەتتى.

كوميسسيانىڭ شەشىمى بويىنشا مەملەكەتتىك ورگاندارعا زاڭدىلىقتى بۇزۋعا ورىن بەرىلگەن وقيعالار بويىنشا رەتتەۋ جانە الداعى قىزمەتتە ولارعا جول بەرمەۋدىڭ شارالارىن ازىرلەۋ تاپسىرىلدى.

كوميسسيا وتىرىس قورىتىندىسى بويىنشا مەملەكەتتىك ورگاندارعا ناقتى ۇسىنىمدار مەن تاپسىرمالار بەردى.