سولتۇستىك كورەيانىڭ 13 ازاماتى وڭتۇستىك كورەياعا قاشتى

استانا. قازاقپارات - كارىستىڭ ۇلتتىق تاعامدارىن دايىندايتىن مەيرامحانالاردىڭ بىرىندە سولتۇستىك كورەيانىڭ 13 ازاماتى وڭتۇستىك كورەياعا قاشىپ كەتتى، دەپ حابارلادى وڭتۇستىك كورەيالىق بيلىك.

كورەيالاردى بىرىكتىرۋ ماسەلەلەرى بويىنشا مينيسترلىكتىڭ وكىلى چون چون ءحيدىڭ ايتۋىنشا، سولتۇستىك كورەيالىق مەيرامحانالاردا جۇمىس ىستەگەن ادامدار بۇرىن دا وڭتۇستىك كورەياعا قاشىپ وتىرعان، ءبىراق بۇل قاشۋ تۋرالى شەشىمدى بىرگە جۇمىس ىستەيتىن بىردەن 13 ادام قابىلداعان ءبىرىنشى وقيعا بولىپ وتىر، دەپ حابارلايدى BBC.

سولتۇستىك كورەيالىقتاردىڭ ەلدەن قاشۋى پحەنيان مەن سەۋل اراسىنداعى قيان-كەسكى داۋدىڭ سەبەبى بولۋدا. سولتۇستىك كورەيا وڭتۇستىكتى ادامداردى وزىنە قىزىقتىرىپ تارتۋدا ايىپتاپ وتىر.

شەتەلدە جۇمىس ىستەتۋ ءۇشىن سولتۇستىك كورەيا مەملەكەتتىك ساياساتقا بۇلجىماستىعىن دالەلدەگەن ازاماتتاردى تاڭدايدى.

چون چون حي وڭتۇستىك كورەيا اۋماعىنا 12 ەر ادام مەن ءبىر ايەلدىڭ كەلگەنىن ناقتىلادى.