امەريكا حالقىنىڭ 13 ميلليونى بوسقىنعا اينالۋى مۇمكىن
وعان مۇحيت دەڭگەيىنىڭ كوتەرىلۋى سەبەپ. مۇنداي جاعدايدى اسىرەسە فلوريدا، لۋيزيانا مەن كاليفورنيا شتاتىنىڭ تۇرعىندارى باستان كەشۋى مۇمكىن. سەبەبى مۇحيت سۋى 180 سانتيمەترگە دەيىن كوتەرىلۋى مۇمكىن دەگەن بولجام بار. ياعني فلوريدا مەن وڭتۇستىك كارولينا شتاتتارىنداعى كەيبىر وكرۋگتەر حالقىنىڭ %80 ىنان ايىرىلۋى عاجاپ ەمەس.
«بۇل - مۇلدە جاڭا قۇبىلىس. چەساپيك شىعاناعىنداعى سۋ استىندا قالعان گوللانديا ارالى مەن تاعى 2-3 ارالدى مىسال رەتىندە كەلتىرۋگە بولادى. ءبىراق قۇرلىقتاعى تۇرعىنداردىڭ ءماجبۇرلى تۇردە كوشۋ جاعدايى ءالى بولعان جوق. كەيبىر وكرۋگتەردەگى احۋال تىپتەن قورقىنىشتى. 85 جىل وتە قىسقا مەرزىم بولسا دا، ويلانۋعا جانە كوشى-قون جوسپارىن قۇرۋعا، ينفراقۇرىلىمدى جاساپ، ادامداردى كوشىرۋگە دايىنداۋ ءۇشىن مۇمكىندىك بەرەدى»، - دەگەن پايىمدارىن ايتتى دجوردجيا ۋنيۆەرسيتەتىنىڭ پروفەسسورى ديپاك ميشرا.
