15:26, 29 - اقپان 2016 | GMT +5
ا ي ب ا نۇسقاۋشىلارى 13 ازيا ەلىنىڭ باپكەرلەرىن وقىتادى
استانا. قازاقپارات - 29- اقپان مەن 6- ناۋرىز ارالىعىندا الماتى وبلىسى تالعار اۋدانىنداعى بوكس اكادەمياسىندا ازيانىڭ 13 ەلىنەن باپكەرلەرگە ارنالعان سەمينارلار وتەدى. بىلىكتىلىك ساباعىن ايبا جوعارى بىلىكتى نۇسقاۋشىلارى ۆالەنتين وستيانوۆ پەن انديلي موفۋ جۇرگىزەدى.
ازيا بوكس كونفەدەراتسياسىنىڭ باسپا ءسوز قىزمەتىنىڭ حابارلاۋىنشا، بۇل سەمينار قازاقستاندىق بوكس فەدەراتسياسىمەن بىرلەسىپ قۇرىلىقتىق بوكس ۇيىمىنىڭ باستاماسى بويىنشا ۇيىمداستىرىلدى، ءارى ا ي ب ا ءبىلىم بەرۋ باعدارلاماسىنىڭ ماڭىزدى قۇرامدى بولىگى.
«قازىرگى ۋاقىتتا ازيا وڭىرىندەگى باپكەرلىك قۇرامنىڭ جانە سۋديالىق كورپۋستىڭ بىلىكتىلىگىن ارتتىرۋعا مۇددەلىمىز. ازيانىڭ كوپتەگەن وكىلدەرى ا ي ب ا- نىڭ سەرتيفيكاتتالعان ماماندارى بولسا دەيمىز. ءبىلىم بەرۋ باعدارلاماسى قازاقستاننان باستالعانىنا قۋانىشتىمىز»، - دەدى ازيا بوكس كونفەدەراتسياسىنىڭ اتقارۋشى ديرەكتورى باقداۋلەت تورەحانوۆ.
كۋرس سوڭىندا ەمتيحان بولادى، ونىڭ قورىتىندىسى بويىنشا ازيانىڭ 40 باپكەرى، 10 نان استام قازاقستاندىق باپكەر ا ي ب ا 1- جانە 2- جۇلدىزدى سەرتيفيكاتىن الادى.
