الماتى- شىمكەنت كۇرە جولىنداعى اپاتتان قازا بولعاندار سانى 13 ادامعا جەتتى
جول- كولىك وقيعاسى بوزارىق ەلدى مەكەنى تۇسىنداعى جانار- جاعارماي قۇيۋ ستانساسىنىڭ ماڭىندا ساعات 11.50 دە بولعان.
و ق و ءى ءى د دەرەكتەرىنە سۇيەنسەك، وقيعا ورنىندا 9 ادام مەرت بولعان. ونىڭ ىشىندە 9-12 جاستاعى بالا بار. اۋرۋحانادا دارىگەرلەر 4,6 جانە 7 جاستاعى ءۇش بالانىڭ، ءۇش ەرەسەك ادامنىڭ ءومىرى ءۇشىن ارپالىسىپ جاتىر.
اۋرۋحاناداعىلار ولارعا زارداپ شەككەن 7 ەرەسەك ادام تۇسكەنىن ايتتى. الايدا 4 ادام الىنعان جاراقاتتاردىڭ اۋىرلىعىنان كوز جۇمدى، جانساقتاۋ بولىمىندە ءۇش ادام ءومىر مەن ءولىم اراسىندا جاتىر. ولاردىڭ بارلىعى ەسسىز كۇيدە.
و ق و ءى ءى د باسپا ءسوز قىزمەتىنىڭ باسشىسى سالتانات قاراكوزوۆانىڭ دەرەكتەرىنە سۇيەنسەك، جەڭىل جاراقاتتانعان 1974 - جىلى تۋىلعان جۇك كولىگىنىڭ جۇرگىزۋشىسى اۋرۋحاناعا جاتقىزىلماعان.
اتالمىش فاكتى بويىنشا ق ر ق ك 345- بابىنا سايكەس قىلمىستىق ءىس قوزعالدى.
