بوكس: 13 - ساۋىردە رومان جايلاۋوۆتىڭ كىممەن كەزدەسەتىنى بەلگىلى بولدى

None
None
استانا. قازاقپارات - 13 ساۋىردە يوحاننەسبۋرگتە (و ا ر) «Emperors Palace» ارەناسىندا 20 جاستاعى قازاقستاندىق بوكسشى رومان جايلاۋوۆ 6 راۋندتىق رەيتينگىلىك جارىستا وڭتۇستىك افريكالىق لۋياندا دجاكامەن (9-9-2, 4 ك و) كەزدەسەدى.

بۇل تۋرالى sports.kz. حابارلادى.

باستى ايقاستا جەرگىلىكتى بوكسشىلار گرانت فيۋري مەن ۋووررەن يۋبەرت اراسىندا ءبىرىنشى جارتىلاي ورتا سالماقتاعى و ا ر چەمپيونىنىڭ بوس بەلدىگى وينالادى.

كەمپتون پاركتە وتەتىن بوكسشىلار شوۋىنىڭ ۇيىمداستىرۋشىسى Golden Gloves پروموۋتەرلىك كومپانياسى. ول 21 - اقپاندا موناكودا وتكەن گەننادي گولوۆكين مەن مارتين ميۋررەيدىڭ سوڭعى جەكپە-جەگىن ۇيىمداستىرۋشىلاردىڭ ءبىرى بولعان.

قازاقستاندىقتىڭ قارسىلاسى لۋياندا دجاكو بارلىق جارىستارىن العاشقى جارتىلاي ورتاشا سالماقتا وتكىزسە، ال رومان بولسا جارتىلاي ورتاشا سالماقتا جەكپە-جەككە شىعىپ كەلەدى.

سوڭعى جاڭالىقتار