قازاقستاندا ورتاشا جالاقى ءساۋىر ايىندا 136 مىڭ 956 تەڭگەنى قۇرادى

استانا. قازاقپارات - قازاقستاندا ورتاشا ايلىق اتاۋلى جالاقى ءساۋىر ايىندا 136 مىڭ 956 تەڭگەنى قۇرادى، - دەپ حابارلايدى Tengrinews.kz ءتىلشىسى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ.

«2016-جىلعى ساۋىردە ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 136 مىڭ 956 تەڭگەنى قۇرادى»، - دەلىنگەن حابارلامادا.

ۆەدومستۆونىڭ مالىمەتىنشە، 2016-جىلعى ناۋرىزدا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 71 مىڭ 890 تەڭگەنى قۇرادى، بۇل 2015-جىلعى ناۋرىزعا قاراعاندا 16,7 پايىزعا جوعارى، ال ناقتى اقشالاي تابىس كورسەتىلگەن كەزەڭدە 0,9 پايىزعا ءوستى.

2016-جىلعى ساۋىردە جۇمىسسىزدار سانى باعالاۋ بويىنشا 439,3 مىڭ ادامدى قۇرادى. جۇمىسسىزدىق دەڭگەيى ەكونوميكالىق بەلسەندى حالىق سانىنا 4,9 پايىزدى قۇرادى. جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 2016-جىلعى ءساۋىردىڭ سوڭىنا 74,7 مىڭ ادامدى قۇرادى نەمەسە ەكونوميكالىق بەلسەندى حالىق سانىنا 0,8 پايىز.