باتىس قازاقستان مەكتەپتەرىندە 130 وقۋشىدان كوروناۆيرۋس انىقتالدى
ب ق و سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستايەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي، سونىڭ ىشىندە 64 ى ورال قالاسىندا، قالعان 66 سى وبلىس اۋداندارىنداعى مەكتەپتەردە ءبىلىم الادى. كۇنى بۇگىن قالا مەن اۋدانداردىڭ باس مەملەكەتتىك سانيتار دارىگەرلەرىنىڭ قاۋلىسىمەن 26 مەكتەپتە 38 سىنىپ، ورتا ءبىلىم بەرۋ ۇيىمدارىندا 3 جانە ج و و- دا 1 توپ كارانتينگە جابىلدى. نۇرلىبەك ەرمەك ۇلىنىڭ سوزىنە قاراعاندا، قىركۇيەك ايىندا بارلىعى 925 ادامنان كوۆيد تابىلدى. سونىڭ 484 ى، ياعني 52 پايىزى ج ر ۆ ي بەلگىلەرى بويىنشا تەكسەرىلگەن. 251 ى (27 پايىز) پروفيلاكتيكالىق ماقساتتا قارالعان. 184 ى (20 پايىز) بۇرىن اۋىرعاندارمەن قارىم- قاتىناستا بولعان. 6 ادامنان (1 پايىز) ەپيدەميولوگيالىق قاداعالاۋ كەزىندە سىناما الىنعان.
اۋىرعانداردىڭ 35 پايىزى (327) ورال قالاسىندا، 12 پايىزى (114) بايتەرەك، 11 پايىزى (110) ءبورلى، 8 پايىزى (80) شىڭعىرلاۋ، 6 پايىزى (57) تەرەكتى جانە 4 پايىزى (41) كازتالوۆ اۋدانىندا تىركەلىپ وتىر. سولاردىڭ ىشىندە 137 سى - 14 جاسقا دەيىنگىلەر، 64 ى - 15-17، 57 سى - 18-25، 228 ى - 26-40، 217 سى - 41-60 جاس ارالىعىنداعىلار، 222 سى - الپىستان اسقاندار. كاسىبي قۇرامى بويىنشا 385 ى (41,6 پايىزى) - جۇمىس ىستەيتىندەر، 106 سى (11,4 پايىزى) - جۇمىسسىزدار، 222 سى (24 پايىزى) - زەينەتكەرلەر، 130 ى (14 پايىزى) - وقۋشىلار، 22 سى (2,3 پايىزى) - مەديتسينا قىزمەتكەرلەرى.
سوڭعى اپتادا (3-9 قىركۇيەك) الدىڭعىمەن (27 تامىز – 2-قىركۇيەك) سالىستىرعاندا، كوروناۆيرۋس جۇقتىرۋ كورسەتكىشى 10,2 پايىزعا (725-تەن 651-گە) تومەندەدى.
«سوڭعى اپتادا مونيتورينگتىك توپتار 87 رەيد بارىسىندا 702 نىساندى قامتىدى. 15 نىساندا كارانتين تالابىن بۇزۋشىلىق انىقتالدى. سوعان سايكەس ق ر اكىمشىلىك قۇقىقبۇزۋشىلىق كودەكسى 425-بابى 1-بولىگىنە سايكەس 18 حاتتاما تولتىرىلىپ، 1 ميلليون 370,990 مىڭ تەڭگە ايىپپۇل سالىندى. سونداي- اق «Ashyq» جوباسىمەن جۇمىس ىستەيتىن نىساندارعا ۇيلەرىندە وقشاۋلانۋى ءتيىس 102 ادامنىڭ (44 ى - قىزىل، 58 ى - سارى مارتەبە) كەلگەنى انىقتالدى. اتالعان باپ بويىنشا جەكە تۇلعالارعا قاتىستى 4 ميلليون 783,880 مىڭ تەڭگە كولەمىندە بارلىعى 110 اكىمشىلىك حاتتاما تولتىرىلدى»، دەدى ن. مۇستايەۆ.
ەسكە سالا كەتەيىك، بۇدان بۇرىن باتىس قازاقستاندا 209 مىڭعا جۋىق ادامنىڭ كوروناۆيرۋسقا قارسى ۆاكتسينا سالدىرعانىن، 1,4 مىڭعا جۋىق ناۋقاستىڭ امبۋلاتوريادا ەمدەلىپ جۇرگەنىن جازعان بولاتىنبىز.