10:08, 11 - مامىر 2015 | GMT +6
نۇرماحان تىناليەۆ 130 كەلىگە دەيىنگى سالماقتا قىتايلىق پالۋاندى ۇتتى
استانا. قازاقپارات - قازاقستاندىق پالۋان نۇرماحان تىناليەۆ گرەك- ريم كۇرەسىنەن دوحا قالاسىندا وتكەن ازيا چەمپيوناتىنىڭ جەڭىمپازى اتاندى.
Vesti.kz سايتىنان الىنعان مالىمەتكە قاراعاندا، 27 جاستاعى نۇرماحان 130 كەلىگە دەيىنگى سالماقتا فينالدا قىتايلىق كيان مەندى 3:2 ەسەبىمەن ۇتتى.
ن. تىناليەۆ وسىمەن ەكىنشى رەت ازيا چەمپيونى اتانىپ وتىر. بۇدان ءبىر جىل بۇرىن ول نيۋ- دەليدە 120 كەلىگە دەيىنگى سالماقتا ۇزدىك شىققان بولاتىن. وعان قوسا ن. تىناليەۆتىڭ الەم بىرىنشىلىگىنىڭ ءۇش مارتە قولا جۇلدەگەرى ەكەنىن ايتا كەتەيىك. جەتپەي تۇرعانى - وليمپيادا جۇلدەسى عانا.
بيىلعى ازيا بىرىنشىلىگىندە سونىمەن قاتار نۇرسۇلتان تۇرسىنوۆ (85 ك گ) كۇمىس، مارعۇلان اسەمبايەۆ (98 ك گ)، جاسۇلان قوشانوۆ (80 ك گ)، دەمەۋ جادىرايەۆ (66 ك گ) قولا جۇلدەنى ەنشىلەدى.
