ەت كومبيناتىنىڭ 1300 دەن استام قىزمەتكەرى كوروناۆيرۋس جۇقتىرعان

ديۋسسەلدورف. قازاقپارات - جەكسەنبى كۇنگى مالىمەتتەر بويىنشا گەرمانيانىڭ سولتۇستىك باتىسىنداعى ەت وڭدەۋ زاۋىتىنىڭ 1331 قىزمەتكەرىنىڭ كوروناۆيرۋسقا تەستى وڭ ناتيجە كورسەتكەن.

بۇل تۋرالى قازاقپارات Deutsche Welle اگەنتتىگىنە سىلتەمە جاساپ حابارلايدى.

بۇل جاعدايعا قاراماستان سولتۇستىك رەين-ۆەستفاليانىڭ مەملەكەتتىك پرەمەرى ارمين لاشەت اتالعان اۋداندا كارانتيننىڭ جاڭا رەجيمىن ەنگىزۋ ءالى دە قاجەت ەمەس دەپ مالىمدەدى.

«پاندەميانىڭ ۇلكەن قاۋپى» بار. الايدا، بيلەفەلدكە جاقىن ورنالاسقان رەدا-ۆيدەنبريۋكتەگى Tِnnies مال سويۋ پۋنكتىندە قازىرگى كەزدە ينفەكتسيا توقتاعان»، - دەپ مالىمدەدى لاشەت جەكسەنبى كۇنى باسپا ءسوز ءماسليحاتىندا.

سونداي-اق، ول ينفەكتسيا حالىققا تارالماۋى ءۇشىن قولدان كەلگەننىڭ بارلىعىن جاساي وتىرىپ، باسقا دا ماقساتتى شارالاردى قولداناتىنىن اتاپ ءوتتى.

جەرگىلىكتى دەنساۋلىق ساقتاۋ ورگاندارىنىڭ مالىمەتىنشە، جەكسەنبى كۇنگى جاعداي بويىنشا زاۋىتتىڭ 1331 قىزمەتكەرىنىڭ تەستى وڭ ناتيجە كورسەتكەن.

اۋرۋ انىقتالعانداردىڭ كوپشىلىگى - رۋمىنيا مەن بولگاريادان كەلگەن قىزمەتكەرلەر. 6500 گە جۋىق جۇمىسكەر مەن ولاردىڭ وتباسى مۇشەلەرى كارانتينگە الىندى.

گەرمانيادا كوروناۆيرۋس جۇقتىرعان جاڭا جاعدايلاردىڭ ءوسىم دەڭگەيى سەنبى كۇنى 1,79 عا جەتتى.