ق ر اسكەري قىزمەتشىلەرىنە جىل سوڭىنا دەيىن 1300دەن استام پاتەر بەرىلەدى
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
ناقتىراق ايتقاندا، بيىل جىل سوڭىنا دەيىن كۇردەلى قۇرىلىس جانە ساتىپ الۋ، سونداي- اق ق ر قارۋلى كۇشتەرىنىڭ اسكەري قىزمەتشىلەرىنە ارنالعان تۇرعىن ءۇي قورىنداعى باسپانانى جوندەۋ ارقىلى شامامەن جالپى اۋدانى 92580 شارشى مەتر 1324 پاتەر بەرۋ قاراستىرىلعان.
بۇگىنگى كۇنى استانا، الماتى، تاراز، وسكەمەن، سەمەي، قاراعاندى، جاركەنت، تەمىرتاۋ، تالدىقورعان، شىمكەنت، قىزىلوردا، قوستاناي، پاۆلودار قالالارىندا جالپى اۋدانى 12855 شارشى مەتر 187 پاتەر ساتىپ الۋ جۇزەگە اسىرىلدى.
سونىمەن بىرگە، تاعى دا 154 اسكەري قىزمەتشى مەن ولاردىڭ وتباسىلارى جىلدىڭ باسىندا كۇردەلى جوندەۋدەن كەيىن جاڭارتىلعان باسپاناعا قونىستاندى.
گۆاردەيسك كەنتىندە 52 پاتەرلىك تۇرعىن ءۇي، شەڭگەلدى كەنتىندە 60 پاتەردەن تۇراتىن ءۇي تاپسىرىلدى. كۇنى بۇرىن تولىق جاڭارتۋدان وتكەن، قالپىنا كەلتىرىلگەن، كىرپىشتەن قالانعان جاتاقحانادا 42-گە جۋىق پاتەر اقمول كەنتىندەگى اسكەري بولىمدە قىزمەت وتكەرىپ جۇرگەن اسكەري قىزمەتشىلەرگە تاپسىرىلدى.
كۇردەلى جوندەۋدەن كەيىن بۇل تۇرعىن ۇيلەردە تەرەزەلەر، ەسىكتەر، جابىن جانە ينجەنەرلىك جەلىلەر تولىق اۋىستىرىلدى، قاسبەت جوندەلدى.
جاقىن ارادا كۇردەلى قۇرىلىس ارقىلى استانا قالاسىندا جالپى اۋدانى 29704 شارشى مەتر تۇرعىن ءۇي مەن 298 پاتەردەن تۇراتىن جاتاقحانا تاپسىرۋ جوسپارلانۋدا.
نىسانداردا قۇرىلىس جۇمىستارىنىڭ نەگىزگى بولىگى اياقتالدى، ارلەۋ مەن اباتتاندىرۋ جۇمىستارى جۇرگىزىلۋدە. 2009 -جىل مەن 2014 -جىل كەزەڭىندە قازاقستاننىڭ ءارتۇرلى قالالارى مەن وڭىرلەرىندە قىزمەت وتكەرىپ جۇرگەن 6300-دەن اسا اسكەري قىزمەتشىنىڭ تۇرعىن ءۇي ماسەلەسى شەشىلدى.
6336 پاتەر، ونىڭ ىشىندە 273 پاتەردەن تۇراتىن 201 جەكەجاي پايدالانۋعا بەرىلدى.
