13 ايماقتا ۇن قىمباتتادى - مينيسترلىك سەبەبىن ءتۇسىندىردى

قازىر كەيبىر وڭىرلەردە كاسىپكەرلەر بيدايدى قىمبات باعامەن ساتا باستادى. بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگىدە ساۋدا كوميتەتىنىڭ ءتوراعاسى ايدار ابىلدابەكوۆ ايتتى، دەپ حابارلايدى قازاقپارات ءتىلشىسى.

13 аймақта ұн қымбаттап барады – министрлік себебін түсіндірді
Фото: Мухтор Холдорбеков/ҚазАқпарат ХАА

«قازىر كەيبىر وڭىرلەردە كاسىپكەرلەر بيدايدى قىمبات ساتا باستادى. وزدەرىڭىز ەستىگەندەي، 2-3 رەت جاڭبىر جاۋىپ، بيداي كەپپەي جاتىر. تيىسىنشە بيداي قايتا كوكتەپ كەتتى. ول ەندى ازىق- تۇلىك رەتىندە پايدالانۋعا بولاتىن سۇرىپقا جاتپايدى. ودان دۇرىس ۇن شىقپايدى. ونىڭ ۇستىنە قازىر 13 ايماقتا ۇن باعاسى ءوسىپ جاتىر. بۇعان اجيوتاجدىق سۇرانىس سەبەپ، ياعني «ويباي بىزدە بيداي جەتپەي قالادى» دەگەن دۇربەلەڭ. اۋىل شارۋاشىلىعى مينيسترلىگى بيداي قورى جەتكىلىكتى ەكەنىن باياندايدى. دەگەنمەن كەيبىر ايماقتاردا 50 پايىزعا دەيىن ۇن قىمباتتادى. ونى ءبىز كورىپ وتىرىمىز. »، - دەپ توقتالدى ايدار ابىلدابەكوۆ.

ونىڭ ايتۋىنشا، ازىق- تۇلىك كورپوراتسيالارىنىڭ قويماسىندا 95 مىڭ توننا بيداي ساقتاۋلى تۇر.

«جەرگىلىكتى ۋاكىلەتتى ورگاندارعا وسى بيدايدى ديىرمەندەرگە جەتكىزۋ بويىنشا تاپسىرما بەرىلدى. ول ءۇشىن كورپوراتسيا مەن ديىرمەن اراسىندا مەموراندۋم جاسالۋى ءتيىس. ءبىر اپتا بۇرىن بەرىلگەن تاپسىرماعا ساي، قازىر بۇل باعىتتا جۇمىستار ءجۇرىپ جاتىر. ەندى وپەراتور (ديىرمەن - اۆتور تۇسىندىرمەسى) اقشاسىن تولەگەن سوڭ، ق ت ج ولارعا بيدايدى جەتكىزەدى»، - دەدى ايدار ابىلدابەكوۆ باق وكىلدەرىنىڭ ساۋالىنا جاۋاپ بەرە وتىرىپ.

ول اتاپ وتكەندەي، قانداي دا ءبىر تاۋار تاپشىعى بايقالسا، كاسىپكەرلەر بىردەن باعانى كوتەرىپ جىبەرەدى.

«ءبىز بۇگىن تاڭەرتەڭ باسەكەلەستىكتى قورعاۋ جانە دامىتۋ اگەنتتىگىنە حابارلاسىپ، ۇسىنىس ەنگىزدىك. ولار نارىقتاعى ءىرى «ويىنشىلارعا» سۇرانىس جىبەرىپ، تەرگەۋدى باستايمىز دەپ جوسپارلاپ وتىر»، - دەپ تۇيىندەدى ايدار ابىلدابەكوۆ.

اۆتور

ءاليحان اسقار

سوڭعى جاڭالىقتار