تۇرمەدەگى بۇلىك: 13 ادام قازا تاۋىپ، 8 ى اۋىر جارالاندى

استانا. قازاقپارات - مەكسيكانىڭ كادەرەيتا قالاسىنداعى تۇرمەدە بۇلىك شىقتى.

نۋيەۆو- لەون شتاتىنىڭ قاۋىپسىزدىك قىزمەتىنىڭ وكىلى الدو فاسسي مالىمدەگەندەي، بۇلىك شىعارعان سوتتالۋشىلار ءۇش كۇزەتشىنى تۇتقىنعا العان.

« بيلىك ۇزاق ۋاقىت بويى ولاردى بوساتۋ كەلىسوزدەرىن جۇرگىزدى، الايدا ول ءساتسىز اياقتالدى. سودان كەيىن شابۋىل جاساپ، بۇلىكشىلەرگە قارسى قارۋ قولدانۋ تۋرالى شەشىم قابىلداندى»، - دەگەن فاسسيدىڭ ءسوزىن كەلتىرەدى The Washington Post.

سونداي-اق، ول بۇلىكتىڭ شىعۋىنا تۇرمەدەگى قىلمىستىق توپتاردىڭ جاۋلاسۋى سەبەپ بولعانىن ناقتىلادى. مەكسيكا تۇرمەسىنىڭ وكىلى ايتقانداي، شابۋىل جاسالعاندا 13 سوتتالۋشى قازا تاۋىپ، 8 ادام جارالانعان. قۇقىق قورعاۋ ورگانىنىڭ ءبىر قىزمەتكەرى دە جاراقات العان.