تيتانيك جولاۋشىسىنىڭ حاتى اۋكتسيوندا 12 مىڭ دوللارعا ساتىلدى
EFE اگەنتتىگى جۇما كۇنى ءمالىم ەتكەندەي، 1912 -جىلى 11-ساۋىردە جازىلعان حاتتى اعاسىنا ۋرۋگۆايلىق رامون ارتاگاۆەيتيا گومەس جازعان. بۇل حات «تيتانيكتىڭ» سوڭعى ايالداماسى - يرلانديادان جولدانعان. بۇدان ءارى لاينەر اتلانت مۇحيتىنان وتۋگە اتتانىپ، اپاتقا ۇشارادى. Zorilla اۋكسيون ءۇيىنىڭ سايتىندا جازىلعانداي، كەيىن ارتاگاۆەيتيا گومەستىڭ اعاسى حاتتىڭ ءبىر بەتىنە بىلاي دەپ جازىپ قويعان: «مەنىڭ سۇيىكتى اعام راموننىڭ ماعان جازعان سوڭعى حاتى. ءۇش كۇننەن كەيىن «تيتانيك» اپاتقا ۇشىرادى، ول سۋعا باتىپ كەتتى».
Infobae ينتەرنەت-پورتالىنىڭ حابارلاۋىنشا، لوت باستاپقى باعاسىنا ساتىلدى. ساتىپ الۋشىنىڭ اتى-ءجونى جاريالانعان جوق.
«تيتانيك» 1912 -جىلعى ءساۋىردىڭ 14 ىنەن 15 ىنە قاراعان ءتۇنى ايسبەرگپەن سوقتىعىسىپ، سۋعا كەتتى. ۇلى بريتانيانىڭ ساۋتگەمپتون قالاسىنان نيۋ-يورككە دەيىنگى العاشقى رەيسىنە شىققان كەمەدە بارلىعى 2224 ادام بولدى، ولاردىڭ 1513 ى قازا بولدى. كەمە سىنىقتارى 1985 -جىلى كانادانىڭ نيۋفاۋندلەند جاعالاۋىنان 600 ك م قاشىقتىقتا 3,8 ك م تەرەڭدىكتە تابىلدى.
