شەكاراداعى 12 كەدەندىك وتكىزۋ پۋنكتىندە ەلەكتروندى كەزەك جۇيەسى ىسكە قوسىلدى

None
استانا. قازاقپارات - قازاقستان رەسپۋبليكاسىنىڭ كەدەندىك شەكاراسىنداعى 12 وتكىزۋ پۋنكتىندە ەلەكتروندىق كەزەكتىڭ اۆتوماتتاندىرىلعان جۇيەسى ىسكە قوسىلدى. بۇل تۋرالى قازاقپارات مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.

قارجى مينيسترلىگىنىڭ مەملەكەتتىك كىرىستەر كوميتەتى ق ر ۇ ق ك شەكارا قىزمەتىمەن بىرلەسىپ ە ا ە و- نىڭ سىرتقى شەكاراسىمەن تۇسپا- تۇس كەلەتىن قازاقستان رەسپۋبليكاسىنىڭ كەدەندىك شەكاراسىنداعى 12 وتكىزۋ پۋنكتىندە ەلەكتروندى كەزەكتىڭ اۆتوماتتاندىرىلعان جۇيەسىنىڭ پيلوتتىق ىسكە قوسىلعانىن ءمالىم ەتتى.

ەلەكتروندىق كەزەك جۇيەسىن قۇرۋدىڭ ماقساتى - كولىك قۇرالدارىنىڭ، جۇكتەر مەن تاۋارلاردىڭ وتكىزۋ پۋنكتىنە كىرۋ كەزەكتىلىگىن قالىپتاستىرۋ پروتسەسىنىڭ اشىقتىعى مەن سيفرلاندىرىلۋىن قامتاماسىز ەتۋ، سونداي- اق ەلدىڭ ترانزيتتىك- كولىكتىك جانە ەكسپورتتىق الەۋەتىن ارتتىرۋ.

جۇيەنى ق ر ق م «اقپاراتتىق- ەسەپكە الۋ ورتالىعى» ا ق ماماندارى ازىرلەدى. بۇل جۇيە بارىنشا ىڭعايلى جانە اشىق بولىپ تابىلادى، جۇرگىزۋشى كورسەتىلگەن پورتالدا تىركەلگەننەن كەيىن نەمەسە موبيلدى قوسىمشا ارقىلى جول ءجۇرۋ ءۇشىن بوس كۇن مەن ۋاقىتتى تاڭدايدى. بۇل رەتتە جۇرگىزۋشى ءوز كەزەگى تۋرالى س م س- حابارلاما الادى.

ۋاقىتشا سحەمامەن جانە ەلەكتروندىق كەزەكتى ەنگىزۋ مەرزىمدەرىمەن ق ر ق م مەملەكەتتىك كىرىستەر كوميتەتىنىڭ رەسمي ينتەرنەت- رەسۋرستارىندا (kgd.gov.kz) جانە ۆەب- سايت CargoRuqsat.kz (CGR.qoldau.kz) تانىسۋعا بولادى.

ەلەكتروندىق كەزەك ەنگىزىلەتىن وتكىزۋ پۋنكتتەرىنىڭ ءتىزىمى:

1) تەمىر- بابا (ماڭعىستاۋ وبلىسى)؛

2) نۇر جولى (جەتىسۋ وبلىسى)؛

3) تاجەن (ماڭعىستاۋ وبلىسى)؛

4) جىبەك جولى (تۇركىستان وبلىسى)؛

5) سەليننىي (تۇركىستان وبلىسى)؛

6) سىرداريا (تۇركىستان وبلىسى)؛

7) ب. قونىسبايەۆ (تۇركىستان وبلىسى)؛

8) مايقاپشاعاي (شىعىس قازاقستان وبلىسى)؛

9) قالجات (الماتى وبلىسى)؛

10) قازىعۇرت (تۇركىستان وبلىسى)؛

11) اتامەكەن (تۇركىستان وبلىسى)؛

12) باقتى (اباي وبلىسى)

ەسكە سالساق، 2022 -جىلعى 23- قاراشادا «دوستىق اۆتو» وتكىزۋ پۋنكتىندە ەلەكتروندى كەزەك جۇيەسىن ەنگىزۋ بويىنشا العاشقى پيلوتتىق جوبا ىسكە قوسىلدى. ىسكە قوسىلعان ساتتەن باستاپ بۇل جۇيەنى 4,2 مىڭنان استام پايدالانۋشى پايدالاندى، برونداۋعا بايلانىستى 28 مىڭنان استام وپەراتسيا جاسالدى.

فوتو: gov.kz

رەداكتور

گۇلنۇر عازيز قىزى

سوڭعى جاڭالىقتار