12- ناۋرىز: اۋا رايى بولجامى
رەسپۋبليكانىڭ سولتۇستىك بولىگىندە قار، وڭتۇستىگىندە قار ارالاس جاڭبىر جاۋادى، دەپ حابارلايدى قازاقپارات.
تەك رەسپۋبليكانىڭ باتىسىندا انتيتسيكلون جوتاسىنىڭ اسەرىنەن جاۋىن-شاشىنسىز اۋا رايى كۇتىلەدى. كەي جەرلەردە تۇمان، كوكتايعاق، بۇرقاسىن، جەل كۇشەيۋى، وڭتۇستىگىندە كۇندىز نايزاعاي كۇتىلەدى.
تۇركىستان وبلىسىندا كۇندىز جەلدىڭ كۇشەيۋى 15-20، كەي جەرلەرىندە ەكپىنى 23-28 م/س، تاۋلى اۋدانداردا 30 م/س جانە ودان جوعارى بولادى.
قىزىلوردا وبلىسىنىڭ كەي جەرلەرىندە كوكتايعاق، بۇرقاسىن كۇتىلەدى، جەل 15-20 م/س، كۇندىز ەكپىنى 25 م/س كۇشەيەدى.
ماڭعىستاۋ وبلىسىنىڭ كەي جەرلەرىندە كوكتايعاق، بۇرقاسىن كۇتىلەدى، جەل 17-22 م/س كۇشەيەدى.
جامبىل وبلىسىنىڭ كەي جەرلەرىندە تۇمان، جەلدىڭ كۇشەيۋى 15-20 م/س كۇتىلەدى.
قوستاناي، سولتۇستىك قازاقستان، اقمولا، پاۆلودار وبلىستارىنىڭ كەي جەرلەرىندە بۇرقاسىن، تۇمان كۇتىلەدى، جەل 15-20 م/س كۇشەيەدى، تۇندە سولتۇستىك قازاقستان، اقمولا، پاۆلودار وبلىستارىندا ەكپىنى 23-28 م/س كۇتىلەدى.
شىعىس قازاقستان وبلىسىنىڭ كەي جەرلەرىندە تۇمان، كوكتايعاق، بۇرقاسىن، جەلدىڭ كۇشەيۋى 15-20، كەي جەرلەردە ەكپىنى 23-28 م/س كۇتىلەدى.
قاراعاندى وبلىسىنىڭ كەي جەرلەرىندە تۇمان، تۇندە بۇرقاسىن كۇتىلەدى، جەل 15-20 م/س كۇشەيەدى.
الماتى وبلىسىنىڭ كەي جەرلەرىندە - تۇندە تۇمان كۇتىلەدى، كۇندىز جەل 15-20 م/س كۇشەيەدى.
باتىس قازاقستان، اقتوبە وبلىسىنىڭ كەي جەرلەرىندە تۇمان كۇتىلەدى.