بۇگىن قازاقستاننىڭ 12 وڭىرىندە كوكتەمگى ۇ ب ت باستالدى
«قازاقستاننىڭ 12 وڭىرىندە تەستىلەۋ باستالادى»، دەپ جازدى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ Facebook - تەگى پاراقشاسىندا.
ونىڭ ايتۋىنشا، قاراعاندى وبلىسىنداعى كوكتەمگى ۇ ب ت 18- ناۋرىزدا وتكىزىلەدى. بۇل جولى جوعارى وقۋ ورنىنىڭ اقىلى بولىمىنە ءتۇسۋدى جوسپارلاعان تالاپكەرلەر ءۇشىن ۇيىمداستىرىلاتىن ۇلتتىق ءبىرىڭعاي تەستىلەۋ كومپيۋتەر فورماتىندا وتەدى. ەگەر بۇعان دەيىن كوكتەم ايىنداعى تەستىلەۋ تەك 10 كۇنگە سوزىلسا، بيىل قاتىسۋشىلارعا 1 اي ۋاقىت بەرىلدى.
ناۋرىزداعى ۇ ب ت- عا قاتىسۋعا تىركەلۋ ۇلتتىق تەستىلەۋ ورتالىعى سايتىندا جۇرگىزىلدى. پاندەر سانى ادەتتەگىدەي بەسەۋ: ءۇش مىندەتتى جانە ەكى بەيىندىك ءپان بويىنشا تەستىلەۋ جۇرگىزىلەدى.
تەستىلەۋگە جالپى 4 ساعات (240 مينۋت) بەرىلەدى. ماكسيمالدى بال - 140. تەستىلەۋ ەلەكتروندى فورماتتا «ءبىر تەستىلەنۋشى - ءبىر كومپيۋتەر - ءبىر كامەرا» قاعيداسى بويىنشا وتەدى. سونداي-اق پروكتورينگ جۇيەسى قولدانىلادى، بەينەباقىلاۋ ورناتىلادى. تۇلعانى سيفرلىق سايكەستەندىرۋ جۇيەسى - Face ID ۇ ب ت- عا قاتىسپاق بولعان بوتەن ادامداردى انىقتاۋعا مۇمكىندىك بەرەدى. وسىنىڭ بارلىعى اكادەميالىق ادالدىق قاعيدالارىنىڭ ساقتالۋىن باقىلاۋدى كۇشەيتۋگە جاعداي جاسايدى.
ۇ ب ت وتكىزۋ كەزىندە سانيتارلىق تالاپتار ساقتالاتىن بولادى.
ەستەرىڭىزگە سالا كەتسەك، 2021-جىلعى 20- قاڭتار مەن 3- اقپان ارالىعىنداعى ۇ ب ت قالاۋى بويىنشا ج و و- عا اقىلى نەگىزدە وقۋعا قابىلدانۋ ءۇشىن ورتا ءبىلىم بەرۋ ۇيىمدارىنىڭ ءبىتىرۋشى 11- (12) سىنىپ وقۋشىلارىنا؛
ج و و- عا كۇندىزگى وقۋ بولىمىنە اقىلى نەگىزدە قابىلداۋ ءۇشىن ۇ ب ت ناتيجەسى بويىنشا شەكتى بال الماعان، ۇ ب ت ناتيجەلەرى جويىلعان، بەيىندى پاندەر كومبيناتسياسى سايكەس كەلمەيتىن ۇ ب ت ناتيجەلەرى بار تۇلعالاردى كۇنتىزبەلىك جىلى اقىلى نەگىزدە ودان ءارى قابىلداۋ ءۇشىن؛
ج و و- عا اقىلى نەگىزدە شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبى بويىنشا ءبىلىم الۋشى جانە باسقا ءبىلىم بەرۋ باعدارلامالارى توبىنا اۋىسۋعا نيەت بىلدىرگەن تۇلعالار ءۇشىن قاعاز فورماتتا وتكىزىلدى.
ناقتى تەستىلەۋگە 116085 ادام قاتىستى. ول ءوتىنىش بەرۋشىلەردىڭ 96,6 پايىزىن قۇرادى. ونىڭ ىشىندە شەكتىك دەڭگەيدەن وتكەندەر سانى - 57679 (%49,7).