مەكتەپ وقۋشىلارىنىڭ كوكتەمگى دەمالىسى 12 كۇنگە سوزىلادى
«مەكتەپ وقۋشىلارىنىڭ كوكتەمگى دەمالىسى 20-31- ناۋرىز ارالىعىندا - 12 بولادى. 4-توقسان ساباعى 1- ساۋىردە باستالادى»، - دەپ اتاپ ءوتتى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن.
سونىمەن قاتار ۆەدومستۆو مالىمەتىنشە، 3-توقساندا 1- سىنىپ وقۋشىلارى ءۇشىن قوسىمشا دەمالىس بولدى. ول 8-14- اقپان ارالىعىندا 7 كۇنگە سوزىلدى.
ەسكە سالايىق، وقۋ جىلىنىڭ 3-توقسانىنان باستاپ ءبىتىرۋشى سىنىپتار (9، 11، 12- سىنىپتار) سانيتارلىق-ەپيدەميولوگيالىق تالاپتار ساقتالا وتىرىپ، ارالاس وقىتۋ (پاندەردىڭ 70 پايىزىن - ءداستۇرلى فورماتتا، 30 پايىزىن - قاشىقتان) فورماتىنا كوشىرىلدى.
سونداي-اق ق ر باس مەملەكەتتىك سانيتاريالىق دارىگەرىنىڭ جاڭا قاۋلىسىنا سايكەس، 1- ناۋرىزدان باستاپ مەكتەپتەردە ءبىلىم بەرۋ ارالاس فورماتقا كوشىرىلدى. وعان سايكەس، 1-5- سىنىپ وقۋشىلارى تۇگەل مەكتەپتەن وقي باستادى.
