قازگيدرومەت: 12- مامىر كۇنگى اۋا رايى بولجامى

نۇر-سۇلتان. قازاقپارات - 12 - مامىر كۇنى قازاقستاننىڭ باسىم بولىگىندە قۇبىلمالى كۇن رايى ساقتالادى.

كەي جەرلەردە جاڭبىر جاۋادى. تەك وڭتۇستىك-شىعىس جانە سولتۇستىك-شىعىستا جاۋىن-شاشىنسىز اۋا رايى كۇتىلەدى.

جەكەلەگەن وڭىرلەردە ەكپىندى جەل، داۋىل، تۇمان، نايزاعاي، بۇرشاق بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، قوستاناي وبلىسىنىڭ كەي جەرلەرىندە داۋىل، تۇمان كۇتىلەدى، كۇندىز بۇرشاق جاۋۋى ىقتيمال.

تۇركىستان وبلىسىنىڭ تاڭەرتەڭ جانە كۇندىز كەي جەرلەرىندە داۋىل تۇرىپ، جەل كۇشەيۋى مۇمكىن.

اتىراۋ وبلىسىندا، تاڭەرتەڭ جانە كۇندىز قىزىلوردا وبلىسىندا، كۇندىز اقتوبە، باتىس قازاقستان، شىعىس قازاقستان وبلىستارىنىڭ كەي جەرلەرىندە جەلدىڭ كۇشى 15-20 م/س ارتادى.

باتىس قازاقستان وبلىسىندا بۇرشاق جاۋۋى ىقتيمال.

قاراعاندى، سولتۇستىك قازاقستان وبلىستارىنىڭ تۇندە جانە تاڭەرتەڭ كەي جەرلەرىندە تۇمان كۇتىلەدى.