ازەربايجاندا كوميسسيا پرەزيدەنت سايلاۋىنا 12 ۇمىتكەردى تىركەدى

None
None
باكۋ. قازاقپارات - ازەربايجاننىڭ ورتالىق سايلاۋ كوميسسياسى(و س ك) 2018 -جىلعى 11 -ساۋىردە وتەتىن كەزەكتەن تىس پرەزيدەنت سايلاۋىنا 12 ۇمىتكەردى تىركەدى، دەپ حابارلايدى «قازاقپارات» ح ا ا- نىڭ ازەربايجانداعى مەنشىكتى ءتىلشىسى.

و س ك ازەربايجان رەسپۋبليكاسىنىڭ قازىرگى پرەزيدەنتى يلحام اليەۆتىڭ، «ءبىرتۇتاس ازەربايجان» حالىق فرونتى پارتياسىنىڭ ءتوراعاسى گۋدرات گاسانگۋليەۆتىڭ، «ۇلتتىق جاڭعىرۋ قوزعالىسى» پارتياسىنىڭ ليدەرى فارادج گۋليەۆتىڭ، «ازەربايجان سوتسيالدى-دەموكراتيالىق پارتياسىنىڭ» باسشىسى اراز ءاليزادانىڭ، «زاماناۋي مۋساۆات» پارتياسىنىڭ باسشىسى حافيز گادجيەۆتىڭ، «ليبەرالدى-دەموكراتيالىق پارتيانىڭ» باسشىسى فۋاد اليەۆتىڭ، مايدانگەرلەر باستاماشىل توبىنىڭ اتىنان رازي نۋرۋللايەۆتىڭ، ادۆوكاتتار القاسىنىڭ مۇشەسى انار ۋمۋدوۆتىڭ، «اق پارتيا» باسشىسى تۋرال ابباسلىنىڭ، پارلامەنت دەپۋتاتى زاحيد ورۋدجدىڭ، سونداي-اق ءوزىن-ءوزى ۇسىنعان اسيف مامەدوۆ پەن ەلشان گاسانوۆتىڭ كانديداتۋرالارىن بەكىتتى.

ەسكە سالا كەتەيىك، ازەربايجاندا كەزەكتى پرەزيدەنت سايلاۋى 2018 -جىلعى 17 -قازاندا ءوتۋى ءتيىس ەدى. اعىمداعى جىلدىڭ 5 -اقپانىندا ەل پرەزيدەنتى ي. اليەۆ 2018 -جىلعى 11 ساۋىردە كەزەكتەن تىس پرەزيدەنت سايلاۋىن وتكىزۋ تۋرالى وكىمگە قول قويدى.

2016 -جىلدىڭ كۇزىندە ءار كونستيتۋتسياسىنا ەنگىزىلگەن وزگەرىستەرگە سايكەس، ەل پرەزيدەنتى 7 جىل مەرزىمگە سايلانادى.

«جاڭا ازەربايجان» بيلەۋشى پارتياسى 8 -اقپاندا وتكەن سەزدە ي. اليەۆتىڭ كانديداتۋراسىن بەكىتكەن.

سوڭعى جاڭالىقتار