كاتار ا ق ش- تان 12 ميلليارد دوللارعا جويعىش ۇشاقتار ساتىپ الماقشى - ب ا ق

استانا. قازاقپارات - كاتار امەريكالىق McDonnel Douglas F-15 Eagle جويعىشىن 12 ميلليارد دوللارعا ساتىپ الماقشى.

بۇل تۋرالى سارسەنبى كۇنى Reuters اگەنتتىگى مالىمدەدى، دەپ حابارلايدى ت ا س س.

 اگەنتتىكتىڭ مالىمدەۋىنشە، اراب مەملەكەتىنىڭ قورعانىس مينيسترلىگىندە ا ق ش پەنتاگونىنىڭ باسشىسى دجەيمس مەتتيس جانە كاتار وكىلدەرى سارسەنبى كۇنى كەزدەسىپ، ەكىجاقتى كەلىسىمگە قول قويۋعا ءتيىس بولعان. ءوز كەزەگىندە امىرلىك وكىلدەرى 36 ۇشاققا قول جەتكىزبەك.

 وتكەن جىلدىڭ 18 - قاراشاسىندا كاتارعا 21,1 ميلليارد دوللار تۇراتىن F-15QA ماركالى 72 جويعىش ۇشاق، ءتۇرلى قوسالقى بولشەكتەر مەن قارۋ- جاراقتار ساتىلاتىندىعى ءمالىم بولدى. McDonnel Douglas F-15 Eagle - امەريكادا شىعارىلاتىن اۋا رايىن تالعامايتىن ءتورتىنشى بۋىننىڭ تاكتيكالىق جويعىشى. ونى McDonnell Douglas كومپانياسى 1970 -جىلدىڭ ءبىرىنشى جارتىسىندا جاساپ شىعاردى. ونىڭ ءار تۇرىنەن بارلىعى 1200 دانا شىعارىلعان.