12:04, 10 - ناۋرىز 2017 | GMT +5
ەرتەڭ قازاقستاندىق بوكسشى ا ق ش- تا 12-جەكپە-جەگىن وتكىزەدى
استانا. قازاقپارات - بۇگىن قازاقستاندىق بوكسشى باحتيار ەيۋبوۆ ا ق ش- تا بولاتىن جەكپە-جەك الدىنداعى سالماق ولشەۋ راسىمىنەن ءساتتى ءوتتى، دەپ حابارلايدى قازاقپارات ءتىلشىسى.
شارا ا ق ش- تاعى دەترويت قالاسىندا MGM Grand Detroit ارەناسىندا وتكەن. قازاقستاندىقتىڭ بۇل جولعى قارسىلاسى جەرگىلىكتى گيلبەرت ۆەنەگاس (15-26-5, 8 ك و). ەكى سپورتشى دا جارتىلاي ورتا سالماقتا جۇدىرىقتاسادى.
ەرتەڭگى كەزدەسۋ 6 راۋندتان تۇرادى. بۇل كەشتى امەريكالىق Showtime تەلەارناسى تىكەلەي ەفيردە كورسەتپەك.
ەستەرىڭىزگە سالا كەتسەك، ەيۋبوۆ كاسىپقوي بوكستا 11 كەزدەسۋ وتكىزىپ، بارلىعىندا دا جەڭىسكە جەتكەن، ونىڭ ىشىندە ون كەزدەسۋدى ۋاقىتىنان بۇرىن اياقتاعان.
اۆتور: كۇنسۇلتان وتارباي
