قىتايلىق دارىگەرلەر 12 جاستاعى قىزدىڭ باسىنان پىشاق الىپ شىقتى

استانا. قازاقپارات - قىتايلىق دارىگەرلەر 12 جاستاعى قىزدىڭ باسىنان ءجۇزى 15 سانتيمەتر بولاتىن پىشاقتى الىپ شىقتى.

قيىن حيرۋرگيالىق وپەراتسيا اياقتالدى. دارىگەرلەردىڭ بولجامىنشا، قىز كەلەسى اپتادا ۇيىنە ورالا الادى، دەپ جازادى 24.kz.

جۋرناليستەردىڭ ايتۋىنشا، وقيعا دۋنگۋان قالاسىنداعى پاركتەردىڭ بىرىندە بالالار وينايتىن الاڭدا بولعان. قىزدىڭ دوسى پاركتەگى باسقا ۇل بالامەن ەرەگەسىپ قالعان. جاسوسپىرىم قىز دوسى ەكەۋى كەتكەلى تۇرعاندا 13 جاستاعى بۇزاقى بالا ولاردىڭ ارتىنان پىشاق لاقتىرعان. پىشاق ءجۇزىنىڭ 3 سانتيمەترى قىزدىڭ باسىنا كىرىپ كەتكەن. اق حالاتتىلار زارداپ شەككەن قىزدىڭ جولى بولعانىن ايتادى. «پىشاق تەرەڭىرەك كىرگەندە ونىڭ ءومىرىن ساقتاپ قالۋ مۇمكىن ەمەس ەدى»، - دەيدى ولار.