قىرعىزستاننىڭ بۇرىنعى پرەمەر- ءمينيسترىنىڭ ۇلى 12 جىلعا سوتتالدى
بۇل تۋرالى سارسەنبىدە جوعارعى سوتتىڭ باسپا ءسوز قىزمەتىنە سىلتەمە جاساعان كيرتاگ حابارلادى.
«بىشكەكتىڭ پەرۆومايسكي اۋداندىق سوتى 2016 -جىلعى 17 -مامىردا مۇراليەۆ التىنبەك امانگەلدى ۇلىنا قاتىستى ۇكىم شىعاردى. ول قىرعىز رەسپۋبليكاسى ق ك 292-بابىندا كوزدەلگەن قىلمىس جاساعانى ءۇشىن سوتتالدى. مۇلكى تاركىلەنە وتىرىپ، قاتاڭ رەجىمدەگى تۇزەۋ مەكەمەسىندە جازاسىن وتەۋمەن 12 جىلعا باس بوستاندىعىنان ايىرۋ ۇكىمى شىعارىلدى»، دەپ حابارلادى جوعارعى سوتتا.
ەسكە سالا كەتسەك، التىنبەك مۇراليەۆ 2017 -جىلى قاراشادا قىرعىز-قازاق شەكاراسى ارقىلى ەلدەن قاشىپ كەتۋگە ارەكەتتەنگەن كەزدە ۇستالدى. ول قىزمەتتىك قۇپيانى قۇرايتىن مالىمەتتەردى شەتەلدىك ۇيىمدارعا بەرۋ ماقساتىندا ارەكەت ەتكەنى ءۇشىن تۇتقىندالعان.
ا. مۇراليەۆ قىرعىزستاننىڭ بۇرىنعى پرەمەر-ءمينيسترى امانگەلدى مۇراليەۆتىڭ ۇلى.
