قىتايدا مارافون جارىسىنا قاتىسقان 12 مىڭ ادام سابىن جەپ ۋلانىپ قالدى
مارافونعا قاتىسۋشىلار ەنەرگەتيكالىق باتون دەپ ويلاپ سابىن جەگەن، دەپ جازادى «ر- سپورت» قىتاي باسىلىمدارىنا سىلتەمە جاساپ.
جاپپاي جۇگىرۋ جارىسى قىتايدىڭ وڭتۇستىگىندەگى شينۋان قالاسىندا ءوتتى. مارافونعا قاتىسۋشىلار ۇيىمداستىرۋشىلاردان قاپتاۋلى سابىن سالىنعان سىيلىقتار الدى. ناتيجەسىندە جارىس وتكەن كوشە سابىن مەن ولاردىڭ كەسەكتەرىنە تولدى. بەلگىلى بولعانداي، ادامدار سىيلىققا بەرىلگەن سابىندى تاعام دەپ ويلاعان. سەبەبى سابىننىڭ قاپتاماسى اعىلشىن تىلىندە جازىلعان ەكەن.
«سابىننىڭ قاپتاماسى شىن مانىندە وراۋلى تاعامعا ۇقسايدى. وعان ءبىز كىنالىمىز»، - دەپ مالىمدەدى جارىستى ۇيىمداستىرۋشىلاردىڭ وكىلى.
مارافونعا 20 مىڭنان استام ادام قاتىسقان. مەديتسينالىق قىزمەتتىڭ اقپاراتىنا سۇيەنسەك، 12 مىڭنان استام جارىسقا قاتىسۋشى دارىگەردىڭ كومەگىنە جۇگىنۋگە ءماجبۇر بولعان. 23 ادام اۋرۋحاناعا جاتقىزىلىپ، ولاردىڭ بەسەۋىنىڭ جاعدايى اۋىر بولىپ وتىر.
