بۇگىن شەتەلدەگى قازاق دياسپورالارىنا ارنالعان قازاق ءتىلى مەن ادەبيەتىنەن 12- حالىقارالىق وليمپيادانىڭ ەكىنشى كەزەڭى وتەدى
«دارىن» رەسپۋبليكالىق عىلىمي- پراكتيكالىق ورتالىعى مەن قىزىلوردا وبلىستىق ءبىلىم باسقارماسىنىڭ ۇيىمداستىرۋىمەن اعىمداعى جىلدىڭ 22-26 -ماۋسىم ارالىعىندا قىزىلوردا قالاسى، №4 وبلىستىق دارىندى بالالارعا ارنالعان مەكتەپ- ينتەرناتىنىڭ بازاسىندا «قازاقستان - اتا جۇرتىم، قاسيەتىم - انا ءتىلىم» اتتى قازاق ءتىلى مەن ادەبيەتى ءپانى بويىنشا قازاق دياسپورالارىنا ارنالعان 12- حالىقارالىق وليمپيادا ءوتىپ جاتىر.
بۇل تۋرالى وبلىستىق ءبىلىم باسقارماسىنىڭ باسپا ءسوز قىزمەتى حابارلادى.
وليمپياداعا يران مەملەكەتىنەن - 5، وزبەكستاننان - 9، قىتايدان - 3، تۇركىمەنستاننان - 1، موڭعوليادان - 2، رەسەي فەدەراتسياسىنىڭ ماسكەۋ قالاسىنان - 3، سامارا قالاسىنان - 2 جانە ومبى قالاسىنان - 4 وقۋشى، جالپى 29 وقۋشى ءوز باقتارىن سىناۋدا.
وليمپيادانىڭ 1- كەزەڭى 23 -ماۋسىمدا №4 وبلىستىق دارىندى بالالارعا ارنالعان مەكتەپ- ينتەرناتىنىڭ بازاسىندا ۇيىمداستىرىلدى. قاتىسۋشىلار الدىن- الا بەلگىلەنگەن سىنىپتارعا ورنالاستىرىلدى. 6-9 سىنىپتار بويىنشا 9 قاتىسۋشى، 10 سىنىپ بويىنشا - 9 قاتىسۋشى، 10-11-سىنىپتار بويىنشا 11 وقۋشى باق سىنادى.
قاتىسۋشىلارعا حالىقارالىق قازاق ءتىلى قوعامىنىڭ پرەزيدەنتى، اكادەميك، قازىلار القاسىنىڭ ءتوراعاسى ءومىرزاق ايتباي ۇلى ساتتىلىك تىلەپ، تاپسىرمالار جازىلعان پاكەتتى اشىپ، جالپىلاما تۇسىندىرمە جۇمىستارىن جۇرگىزدى.
ءبىرىنشى كەزەڭنىڭ تاپسىرماسى بويىنشا شىعارمانىڭ تاقىرىپتارى بەرىلىپ، قاتىسۋشىلار تاقىرىپتاردى تاڭداپ، بەلگىلەنگەن ۋاقىت ارالىعىندا تاپسىرمانى ورىندادى. قاتىسۋشىلاردىڭ تىلگە دەگەن قۇرمەتى مەن ىنتا- جىگەرى، دايىندىقتارى جوعارى دەڭگەيدە.
شىعارمانىڭ تاقىرىپتارى: ات - ەر قاناتى؛ ابايدىڭ اقىندىق ءتىلى؛ الاشتىڭ الداسپاندارى؛ جىر جازامىن ابايدىڭ ۇلگىسىمەن...؛ انامنىڭ ءتىلى -اي، كۇنىم مەنىڭ؛ قازاقستاننىڭ جۇلدىزدى عاسىرى «قازاقستان-2050 ستراتەگياسى»؛ سۇيەمىن تۋعان ەلىمدى دارقان...؛ اتامەكەن - قۇت مەكەن؛ قازاقستان - قازاقتاردىڭ التىن ورداسى؛ مەن وتاننىڭ بولشەگى؛ كىم بولامىن؟ ت. ب.
اتا جۇرتىن اڭساپ كەلگەن قاتىسۋشىلار مەن جەتەكشىلەر قازىلار القاسى قۇرامىنا ءوز ويلارىندا جۇرگەن سۇراقتارىن قويىپ، پىكىر- الماسۋ ترەنينگىن وتكىزدى.
ودان سوڭ، قاتىسۋشىلار مەن جەتەكشىلەر قىزىلوردا قالاسىنىڭ كورنەكى جەرلەرىن ارالاپ، نازاربايەۆ زياتكەرلىك مەكتەبى بازاسىمەن تانىستى.
وليمپيادانىڭ ەكىنشى كەزەڭى 24 -ماۋىسىندا وتكىزىلەدى.
