مەملەكەتتىك ايىپتاۋشى ەكس-ۆيتسە ءمينيستردى 12 جىلعا باس بوستاندىعىنان ايىرۋدى سۇرادى
«ومىريايەۆ ءمۇسلىم تايىر ۇلىن قىلمىستىق كودەكتىڭ 311-بابى 5-تارماعىندا قاراستىرىلعان قىلمىستى جاساعانى ءۇشىن ايىپتى دەپ تانىپ، مۇلكى تاركىلەنىپ، قاتاڭ رەجيمدى تۇزەۋ كولونياسىندا جازاسىن وتەۋمەن 12 جىلعا باس بوستاندىعىنان ايىرۋ جازاسىن تاعايىنداۋدى ۇسىنامىن»، - دەدى ق. قامالبەك سوت وتىرىسى بارىسىندا.
سونداي-اق ول ايىپتاۋشىنىڭ م. ومىريايەۆتىڭ كىناسىن جەڭىلدەتەتىن جاعدايلاردى ەسكەرگەنىن اتاپ ءوتتى: كىشكەنتاي 4 بالاسىنىڭ بولۋى، قىلمىستىق جاۋاپكەرشىلىككە العاش رەت تارتىلۋى، سونىمەن بىرگە جاقسى مىنەزدەمەلەر مەن پىكىرلەر.
ەستەرىڭىزگە سالىپ وتسەك، ەكس-ۆيتسە مينيسترگە قاتىستى قىلمىستىق ءىستى تەكسەرۋ وتكەن جىلدىڭ جەلتوقسان ايىندا باستالىپ، بيىلعى جىلدىڭ مامىرىندا اياقتالعان ەدى. وسى ۋاقىت بويى م. ومىريايەۆ تەرگەۋ يزولياتورىندا قاماۋدا بولدى. قارجى پوليتسياسىنىڭ قىزمەتكەرلەرى ونى ءوز پاتەرىندە كاسىپكەردەن 100 مىڭ دوللار مولشەرىندە پارا الىپ جاتقان جەرىنەن قولعا تۇسىرگەن بولاتىن.
