بىلتىر 128,4 مىڭ نەكە قيىلىپ، 44,5 مىڭ جۇپ اجىراسقان - ستاتيستيكا

الماتى. قازاقپارات - بىلىر ەلىمىزدە 128 مىڭنان استام جۇپ نەكەسىن قيسا، 44 مىڭنان استام ەرلى- زايىپتى اجىراسىپ كەتكەن.

بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.

ۇلتتىق ستاتبيۋرونىڭ دەرەگىنە سۇيەنسەك، وتكەن جىلى قازاقستاندا 128,4 مىڭ نەكە قيىلعان، بۇل 2021 -جىلمەن سالىستىرعاندا 8,5 پايىز از.

«وزگە ۇلت وكىلىمەن تىركەلگەن نەكەلەردىڭ ۇلەسى 34,8 پايىز قۇرادى. العاش نەكەگە تۇرعان ەرلەر ۇلەسى - 79,1 پايىز، ايەلدەر اراسىندا - 81 پايىز. نەكەنى العاش قۇرعانداردىڭ ورتاشا جاسى: ەرلەردە - 28 جاس، ايەلدەردە - 25,2 جاس.

2022 -جىلى نەكەلەردىڭ ەڭ كوبى تامىز ايىندا تىركەلگەن - 15267»، - دەلىنگەن حابارلامادا.

سونداي-اق وتكەن جىلى 44,5 مىڭ ەرلى-زايىپتى اجىراسقان. بۇل 2021 -جىلمەن سالىستىرعاندا 7,7 پايىز تومەن.

2022 -جىلى اجىراسۋلاردىڭ ەڭ كوپ ۇلەسى نەكەدە 1-4 جىل تۇرعاندار اراسىندا بولعان، بۇل اجىراسۋلاردىڭ جالپى سانىنىڭ 34,6 پايىز. 5-9 جىل نەكەدە تۇرعانداردىڭ اجىراسۋ ۇلەسى - 30 پايىز.

ەسكە سالايىق، قازاقستاندا 15-ساۋىردە «قوزى كورپەش - بايان سۇلۋ» كۇنى اتالىپ وتۋدە.