قاڭتار وقيعالارىنا قاتىستى 1260 قىلمىستىق ءىستى تەرگەلۋدە

بۇل تۋرالى ق ر ءى ءى م تەرگەۋ دەپارتامەنتىنىڭ باستىعى سانجار ءادىلوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ىشكى ىستەر ورگاندارى تەرگەۋشىلەرىنىڭ وندىرىسىندە بۇرىن قابىلدانعان شەشىمدەردى ەسكەرمەسەك، 1260 قىلمىستىق ءىس بار. ونىڭ ىشىندە اۋىر قىلمىس جاساۋ كۇدىگىنە ىلىگىپ، كۇزەتپەن ۇستالىپ وتىرعان 158 ادامعا قاتىستى ءىستىڭ دە بار ەكەنىن اتاپ وتكىم كەلەدى»، - دەدى سانجار ءادىلوۆ ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ ايتۋىنشا، اتالعان كۇدىكتى ادامداردىڭ كىناسى نەگىزىنەن قىلمىس جاسالعان ورىنداردان الىنعان بەينەجازبالارمەن، كۋالار مەن كوزبەن كورگەندەردىڭ ايتۋىمەن، سونداي-اق الىنعان زاتتاي دايەكتەرمەن دالەلدەنەدى.
«جاقىن ارادا قىلمىستىق پروتسەستىڭ ءۇش بۋىندى مودەلى اياسىندا جانە پروكۋرورلاردىڭ كەلىسۋىمەن وسى قىلمىستىق ىستەر بويىنشا ءتيىستى پروتسەستىك شەشىمدەر قابىلداناتىن بولادى»، - دەدى دەپارتامەنت باستىعى.