قازاقستاندا تاعى ءبىر تۇلەك ۇ ب ت- دا تولىق باعا 125 بالل جينادى
باسپا ءسوز قىزمەتىنىڭ مالىمەتىنشە، بيىلعى ۇ ب ت- نىڭ ەكىنشى اعىمى 59 پۋكنتتە وتكىزىلدى. تەستىلەۋگە قاتىسۋعا ءوتىنىش بەرگەن 19329 تۇلەكتىڭ 94 پايىزى، ياعني 18177 ءسى قاتىستى. ورتاشا بالل - 80,5. وتكەن جىلى بۇل كورسەتكىش 76,9 بولعان.
«100 بالدان جوعارى ناتيجەنى 3211 (17,7 پايىز) تۇلەك الدى. 2014 -جىلى 2012 (11,6 پايىز) بولعان. ال 125 بالدى ءبىر وقۋشى الدى - استانا مەكتەپ- ليتسەيىنىڭ تۇلەگى ريانا ەركىن قىزى مۇستافينا. 50 بالدىق دەڭگەيدى 2895 تۇلەك (15,9 پايىز) تاپسىرا المادى»، - دەلىنگەن مينيسترلىكتىڭ حابارلاماسىندا.
ايتا كەتەيىك، بۇل كۇنى، ياعني ۇ ب ت- نىڭ ەكىنشى اعىمى وتكەن 3- ماۋسىمدا 7 تۇلەكتىڭ قورىتىندى ناتيجەلەرى جويىلدى. سونىمەن قاتار، تىيىم سالىنعان 8682 زات الىندى، ولاردىڭ ىشىندە 4402 ۇيالى تەلەفون، 4036 شپارگالكا، 153 كالكۋلياتورلار، 5 فوتواپپارات، 3 راتسيا، 3 گادجەت، 1 بليۋتۋز، 28 Altel 4G، 43 مودەم، 5 قۇلاققاپ پەن 3 سمارت-ساعات بار.
ەسكە سالا كەتەيىك، بۇعان دەيىن ۇلتتىق ءبىرىڭعاي تەستىلەۋدىڭ العاشقى كۇنىندە تارازدىق تۇلەك گۇلناز ەردوسوۆانىڭ 125 بالل جيناعانى حابارلانعان بولاتىن. ەڭ جوعارعى بالل جيناعان گۇلناز جاندوس قىزى ەردوسوۆا - تارازداعى 45№ قازاق كلاسيكالىق گيمنازياسىنىڭ تۇلەگى.