07:21, 18 - قاڭتار 2018 | GMT +5
بىلتىر قازاقستان 120 مىڭ توننادان استام ءداندى جانە مايلى داقىلداردى ەكسپورتتادى
استانا. قازاقپارات - 2017-جىلى ازىق-تۇلىك كەلىسىم شارت كورپوراتسياسى 120 مىڭ توننادان استام ءداندى جانە مايلى داقىلداردى ەكسپورتتادى، دەپ حابارلايدى قازاقپارات كورپوراتسيانىڭ باسپا ءسوز قىزمەتىنە سىلتەمە جاساپ.
كومپانيا 2017-جىلداعى قىزمەتىنىڭ قورىتىندىسى جاقىن جانە الىس شەت ەلدەرگە جالپى العاندا 120 مىڭ توننادان استام ءداندى جانە مايلى داقىلداردى ەكسپورتتاعان.
«سونىڭ ىشىندە، يرانعا - 56 مىڭ توننادان ارتىق ارپا، قىتايعا - 40 مىڭ توننادان استام ءبيداي مەن 0,6 مىڭ تونناعا جۋىق وسىمدىك مايى، ازەربايجانعا - 15 مىڭ توننا ءبيداي، وزبەكستانعا - شامامەن 5 مىڭ توننا ءبيداي، بەلگياعا - 3 مىڭ تونناعا جۋىق زىعىر تۇقىمى جەتكىزىلگەن»، دەلىنگەن حابارلامادا.
