12 وبلىستا ءورت تۋىنداۋ قاۋپى بار - قازگيدرومەت

استانا. KAZINFORM - «قازگيدرومەت» ر م ك- سى ءساۋىردىڭ 30 ى كۇنگى كۇن رايى بولجامىن جاريالادى.

كاسىپورىننىڭ دەرەكتەرىنە قاراعاندا، سولتۇستىك-باتىس تسيكلونى جانە ونىمەن بايلانىستى اتموسفەرالىق فرونتالدى بولىكتەر قازاقستاننىڭ باسىم بولىگىندەگى اۋا رايىنا ءوز اسەرىن تيگىزەتىن بولادى.

ەلدىڭ شىعىسىندا، وڭتۇستىكتە، وڭتۇستىك شىعىستا نوسەر جاۋىن جاۋادى، تۇندە وبلىستىڭ سولتۇستىگىندە قار االاس جاڭبىر جاۋادى. قازاقستاننىڭ وڭتۇستىگىندە، وڭتۇستىك-شىعىسىندا بۇرشاق جاۋادى. تەك قازاقستاننىڭ باتىسىندا، سولتۇستىك باتىسىندا عانا كۇن جاۋىن-شاشىنسىز بولادى.

رەسپۋبليكا بويىنشا جەل كۇشەيىپ، وڭتۇستىكتە، وڭتۇستىك شىعىستا شاڭدى داۋىل تۇرادى، ەلىمىزدىڭ سولتۇستىگىندە، سولتۇستىك باتىسىندا، باتىسىندا، ورتالىعىندا تۇنگى ساعاتتاردا تۇمان تۇسەدى.

باتىس قازاقستان وبلىسىنىڭ شىعىسىندا، اتىراۋ وبلىسىنىڭ سولتۇستىگىندە، شىعىسىندا، اقتوبە وبلىسىنىڭ سولتۇستىگىندە، شىعىسىندا، ورتالىعىندا، قوستاناي وبلىسىنىڭ باتىسىندا، سولتۇستىگىندە، شىعىسىندا، ۇلىتاۋ وبلىسىنىڭ سولتۇستىگىندە، شىعىسىندا، قاراعاندى وبلىسىنىڭ باتىسىندا، شىعىسىندا، اقمولا، سولتۇستىك قازاقستان وبلىستارىنىڭ باتىسىندا سولتۇستىگىندە، وڭتۇستىگىندە، پاۆلودار وبلىسىنىڭ باتىسىندا، وڭتۇستىگىندە 3 گرادۋسقا دەيىن ۇسىك جۇرەدى. قىزىلوردا وبلىسىنىڭ سولتۇستىگىندە توپىراق بەتىندە 3 گرادۋسقا دەين ۇسىك كۇتىلەدى.

قىزىلوردا، جامبىل، تۇركىستان وبلىستارىندا، الماتى وبلىسىنىڭ سولتۇستىگىندە، ورتالىعىندا، جەتىسۋ وبلىسىنىڭ باتىسىندا، اتىراۋ، اقتوبە، قاراعاندى، شىعىس قازاقستان وبلىستارىنىڭ وڭتۇستىگىندە، ماڭعىستاۋ وبلىسىنىڭ سولتۇستىك- شىعىسىندا، شىعىسىندا، ورتالىعىندا، ۇلىتاۋ وبلىسىنىڭ ورتالىعىندا، اباي وبلىسىنىڭ سولتۇستىك-باتىسىندا، وڭتۇستىگىندە جوعارى ءورت قاۋىپى كۇتىلەدى.

وسىعان دەيىن پاكىستاندا اپتاپ ىستىق جاھاندىق رەكوردقا جاقىنداعانى تۋرالى جازدىق.