ەلىمىزدە 12 مينيسترلىك قۇرىلىپ، 9 اگەنتتىك جويىلادى

  استانا. قازاقپارات - «مەن 12 مينيسترلىك پەن 30 كوميتەتت قۇرۋ تۋرالى شەشىم قابىلدادىم. بۇگىندە 17 مينيسترلىك، 9 اگەنتتىك، 54 كوميتەت، 272 دەپارتامەنت بار. ياعني 12 مينيسترلىك، 30 كوميتەت قالادى، ال بارلىق 9 اگەنتتىك جويىلىپ، كوميتەت تۇرىندە مينيسترلىك قاراماعىنا كىرەدى» . بۇل تۋرالى بۇگىن اقوردادا وتكەن ۇكىمەتتىڭ كەڭەيتىلگەن وتىرىسىندا ەلباسى ن. نازارباۆ ءمالىم ەتتى.

ۇكىمەت قۇرامىندا بەس جاڭا مينيسترلىك قۇرىلادى

 «ۇكىمەتپەن پارلامەنتپەن اقىلداسا كەلە، مىناداي شەشىم قابىلدادىم: جاڭا بەس مينيسترلىك قۇرىلادى. ونىڭ ىشىندە ۇلتتىق ەكونوميكا مينيسترلىگى قۇرىلماق. وعان بۇگىنگى ەكونوميكا مينيسترلىگىنىڭ وكىلەتتىگى، بيۋدجەتتىك جوسپارلاۋ مەن وڭىرلىك دامۋ قىزمەتتەرى بەرىلەدى. ستاتيستيكا جونىندەگى اگەنتتىك پەن تابيعي مونوپوليالاردى رەتتەۋ اگەنتتىكتەرى، تۇتىنۋشىلار قۇقىعىن قورعاۋ، باسەكەلەستىكتى دامىتۋ اگەنتتىكتەرى دە وسىعان كىرەدى. پرەمەر- ءمينيستردىڭ ۇسىنۋىمەن بۇل لاۋازىمعا ەربولات دوسايەۆتى تاعايىندايمىن» ، - دەدى ول.

توقتالا كەتەتىن جايت، ەندى ۇكىمەت ون ەكى مينيسترلىك پەن وتىزعا تارتا كوميتەتتەن تۇراتىن بولادى.

 

اۆتور: مارلان جيەمباي