سيرياعا كەتۋدى جوسپارلاعان 12 اقتوبەلىك 6 جىلدان 8 جىلعا دەيىن باس بوستاندىعىنان ايىرىلدى
ۇكىم بۇگىن اقتوبە قالاسىنىڭ 2№ سوتىندا شىعارىلدى.
«سوت ۇكىمىمەن بارلىق 12 تۇلعا ق ر ق ك 24/3, 257/2, 258/1 باپتارى بويىنشا، ياعني تەرروريستىك توپتىڭ قىزمەتىنە نەمەسە جاسالعان تەرروريستىك اكتىلەرگە قاتىسۋ، تەرروريستىك جانە ەكسترەميستىك ارەكەتتى قارجىلاندىۋ جانە باسقا دا جاردەمدەسۋ ارەكەتى بويىنشا كىنالى دەپ تانىلدى»، - دەيدى وبلىستىق سوتتىڭ باسپا ءسوز حاتشىسى انار ايتجانوۆا.
لاڭكەستەردى ارباۋشى جانمەن سوتتالۋشىلار عالامتور ارقىلى سويلەسكەن. حالىقارالىق تەرروريستىك ۇيىمنىڭ قاتارىنا كىرۋ ءۇشىن، وزبەكستان مەن قىرعىزستان ازاماتى دەگەن جالعان قۇجات دايىنداعان. ال سوتتالۋشىلاردىڭ ءبىرى ولارعا قارجىلىق كومەك كورسەتكەن.
ەڭ جاس سوتتالۋشى 20 جاستا، ەڭ ۇلكەنى - 67 دە. ولاردىڭ بارلىعى جۇمىسسىز، وتباسىلى جاندار، ۇشەۋى بۇرىن سوتتالعان.
قاماۋ كەزىندە انىقتالعان بانكتەگى 1 ميلليون تەڭگە جانە 5700 دوللار مەملەكەتكە قايتارىپ الىنادى.
