ساعات 12.00-دەگى جاعداي: قازاقستاندىقتاردىڭ 30,65 پايىزى داۋىس بەردى

استانا. قازاقپارات - استانا ۋاقىتىمەن ساعات 12.00-دەگى جاعداي بويىنشا، سايلاۋشىلاردىڭ 30,65 پايىزى بيۋللەتەن الدى.

بۇل تۋرالى ورتالىق سايلاۋ كوميسسياسىنىڭ مۇشەسى ءسابيلا مۇستافينا ايتتى، دەپ حابارلايدى قازاقپارات ءتىلشىسى.

وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اۋماقتىق سايلاۋ كوميسسيالارى ۇسىنعان دەرەكتەرگە سايكەس، استانا ۋاقىتىمەن ساعات 12:00-دە وڭىرلەردە ازاماتتاردىڭ كەلۋى مىنانى قۇرادى:

1. اباي وبلىسى بويىنشا - 33,58 پايىز

2. اقمولا وبلىسى بويىنشا - 33,63 پايىز

3. اقتوبە وبلىسى بويىنشا - 33,18 پايىز

4. الماتى وبلىسى بويىنشا - 34,41 پايىز

5. اتىراۋ وبلىسى بويىنشا - 30,66 پايىز

6. باتىس قازاقستان وبلىسى بويىنشا - 33,61 پايىز

7. جامبىل وبلىسى بويىنشا - 35,82 پايىز

8. جەتىسۋ وبلىسى بويىنشا - 33,15 پايىز

9. قاراعاندى وبلىسى بويىنشا - 34,19 پايىز

10. قوستاناي وبلىسى بويىنشا - 37,39 پايىز

11. قىزىلوردا وبلىسى بويىنشا - 32,78 پايىز

12. ماڭعىستاۋ وبلىسى بويىنشا - 32,43 پايىز

13. پاۆلودار وبلىسى بويىنشا - 34,26 پايىز

14. سولتۇستىك قازاقستان وبلىسى بويىنشا - 32,81 پايىز

15. تۇركىستان وبلىسى بويىنشا - 38,29 پايىز

16. ۇلىتاۋ وبلىسى بويىنشا - 34,61 پايىز

17. شىعىس قازاقستان وبلىسى بويىنشا - 34,16 پايىز

18. استانا قالاسى بويىنشا - 23,35 پايىز

19. الماتى قالاسى بويىنشا - 11,25 پايىز

20. شىمكەنت قالاسى بويىنشا - 19,63 پايىز

«نەعۇرلىم بەلسەندى سايلاۋشىلار تۇركىستان، قوستاناي جانە جامبىل وبلىستارىندا. جالپى، ساعات 12:00-دەگى جاعداي بويىنشا رەسپۋبليكانىڭ 3687608 ازاماتى بيۋللەتەن الدى. ول تىزىمگە ەنگىزىلگەن ازاماتتاردىڭ 30,65 پايىزىن قۇرايدى. بارلىق سايلاۋ ۋچاسكەلەرىندە داۋىس بەرۋ پروتسەسىن كانديداتتاردىڭ، ساياسي پارتيالاردىڭ سەنىم بىلدىرگەن ادامدارى، حالىقارالىق بايقاۋشىلار اككرەديتتەلگەن قوعامدىق بىرلەستىكتەردىڭ جانە بۇقارالىق اقپارات قۇرالدارىنىڭ وكىلدەرى بايقاۋدا»، - دەدى ول

ازاماتتاردىڭ ۋچاسكەلەرگە كەلۋى تۋرالى كەلەسى اقپارات ەلوردا ۋاقىتى بويىنشا ساعات 14:10، 16:10، 18:10، 19:00 جانە 20:10-دا بەرىلەتىن بولادى. الدىن الا جاسالاتىن جالپى قورىتىندى اقپاراتتى وسك ساعات 22:10-تە ۇسىنادى.

قازىرگى ۋاقىتتا داۋىس بەرۋ 10164 سايلاۋ ۋچاسكەسىندە وتۋدە. ونىڭ ىشىندە 17 شەت مەملەكەتتەگى قازاقستان رەسپۋبليكاسىنىڭ وكىلدىكتەرى جانىنداعى 18 ۋچاسكە بار.

اۆتور

مارلان جيەمباي